පත අට එකට සිඳවු මගේ විද්‍යුත් ටිකාව

අපි, නිදහස සහ සුද්දා ;)

2009-02-04T00:56:00.002+05:30

පසුගිය වසර 61 තුල අපගේ රට පාලනය කලවුන් / කරනවුන්
කරපු කියපු සහ සිද්ධවෙමින් පවතින දෑ දකිනවිට මටනම්
හිතෙන්නේ සුද්දා අපෙන් නිදහස්වී ගොස් වසර 61 ගෙවි ගොස් ඇතිබවයි.

එතකොට නිදහස අපිටද?? සුද්දාටද???

මගේ වල් පල්. :)

2009-02-01T01:48:00.006+05:30

ඔන්න ටික දවසකට පස්සේ ලියන්න හිතුනා, ඒත් මොනවා ලියන්නද කියලා මතක් වෙන්නේ නැහැ… හ්ම්ම්.. මේ දවස්වල වැඩ කියලා මහ ලොකු දේවල් තිබුනෙත් නැහැ. ඒත්‍ මොකක්ද මන්දා හරිම කම්මැලි කමක්. රෑට නින්ද යන්නෙ නැහැ, බඩගිනි වෙන්නේ නැහැ. මාර සීන් එක. හැමදේටම හේතුව මගේ ආයතනයට මම දීපු ඉල්ලා අස්වීම වෙන්න ඇති, හැබැයි නින්ද නොයන්නේ රස්සාවෙන් අයින් වෙන නිසා නෙමෙයි, ලංකාවට එන්න ලැහැස්තිවෙන නිසා. ඒ ගැනනම් කියන්න බැරි තරම් සතුටක් තියෙන්නෙ. මේ කාත් කවුරුත් නැති ඒකාකාරි ජිවිතෙන් ගැලවෙන්න තියෙන එකම ලොකුම සතුටක්. හැබැයි දුක තමයි මෙහෙ වගේ පඩියකට රස්සාවක් හොයාගන්න බැරි එක. ඒ වගේම මම අකමැතිම දෙයක් තමයි ඉන්ටවිව්ස්. දැන් ඉතින් ලංකාවට ආවම ආයේ පලයන්කෝ ෆයිල් උස්සගෙන ඉන්ටවිව්ස් වලට. :) වට් ටු ඩු නා… බලමු හැමදේම වෙන්නෙ අපගේ හොඳටයි කියන එකයි මම විශ්වාස කරන්නේ. ඒ නිසා ලංකාවට ආවම මොන දේ උනත් හොදින් බාරගන්නයි තියෙන්නේ. නැට්ට පිටින් අලි මැරෙනකොට මේවා මොනවද නේ?? ^%(*&#

ඉතින් පහුගිය දවස් ටිකේ වෙනසක්නම් නැහැ ජීවිතේට, උදේට ඔෆිස්, හැන්දෑවට කාමරේට. රෑට ටිකක් ෂොපින්. ඔන්න ඔහොමයි දවස යන්නේ. මෙහෙ ඉතින් රෑට තමයි සාප්පු සවාරි හොඳ.. ගොඩාක් කඩවල් ඇරලා තියෙන්නෙ රෑට. :)

දැන් ගත්ත බඩු ටික ලංකාවට යවන්න ඕන. බඩු ගන්න ගියාට වඩා වියදමක් යනවා බඩුටික ලංකාවට යවන්න ගියාම :) වර්ග මීටරයකට ලංකාවේ මුදලින් 12000 විතර ගෙවන්න ඕන. අපිව හූරගෙන කන්නමයි අපේ අය ඉන්නේ. කාගෝ සර්විස් කරන හැම ආයතනයක්ම කතාවෙලා එකම ගාන තමයි ගන්නේ. අදුරන කෙනෙක් හිටියොත් රියාල් 10-15 අඩු කරයි, එච්චරයි. මමත් ෂිපිං ෆිල්ඩ් එකේ නිසා දන්නවා එයාල හොයන ගාන, විශ්වාස කරන්න අඩි 40 කන්ටේනර් එකක් පැටෙව්වොත් ඩොලර් 3000 කට වැඩියෙන් හොයන්න පුලුවන්. මාසෙටම කන්ටේනර් 4 පැටෙව්වත් ඇති සැපට ඉන්න පුලුවන් කාගෝ කරන අයට :)

පෙරේදා බැලුවා ස්ලම්ඩොග් මිලියනර්. එළ ෆිල්ම් එක. මටනම් හිතෙන්නේ කාලෙකට පස්සේ බලපු හොඳම ෆිල්ම් එකක්. ටොරන්ට් එකකින් බාගත්තේ නැත්නම් බලනවා බොරු. ඉන්දියාව අපේ දේවල් වලට අත දානවා ඒත් ලෝකේ තියෙන ලොකුම මුඩුක්කුව තියෙන්නෙ ඉන්දියාවේ. එහෙදි තමයි මේ ෆිල්ම් එකත් රූගත කරලා තියෙන්නේ. අර අපේ බ්ලුමැන්ඩල් කුනු කන්ද වගේම බොම්බායේ තියෙන මේ මුඩුක්කු සමුහය පාතාලයේත් අනිත් කෙරුම්කාරයන්ගෙත් සල්ලි හොයන තෝතැන්නක්. (ඉන්දියාව තමන්ගේ තියෙන ප්‍රශ්න විසදගන්න එක කොච්චර හොඳද අපිට කොක්ක ගහන්න එන්නේ නැතුව. (ඉන්දියාවේ තියෙන ප්‍රශ්නනම් වෙනම පොතක් ලෙස එළිදැක්විය යුත්තකි))

ඊයේ රියාද් ගුවන් තොටුපලට ගියා යහළුවෙක්ව ගන්න. එකම වෙලාවෙ ගුවන් යානා හතරක් ඇවිල්ලා. බලන්න එපැයි එක එක අයගේ ලස්සන. :) ලෙබනන් ෆ්ලයිට් එකක් ආවා, ඒකේ හිටපු කෙල්ලො ටික දැක්කම මිස් වර්ල්ඩ් ලා මොනවද කියල හිතෙනව අප්පා. පුහ් පිස්සු හැදෙන ලස්සනක්නෙ උන්ගේ. කිරි ටොයි පාට :) අර යූරෝපිය කුනු සුදු පාට නෙමෙයි මේක අමුතුම පාටක්. කොහොම නමුත් ඉරාන, ලෙබනන් සහ කාශ්මීර කෙල්ලන්නම් මාරම ලස්සනයි. (ලංකාවේ කෙල්ලොත් මාරම ලස්සනයි හොදේ. නියම පාට, හොඳ හිත, කොච්චර දැක්කත් ආයේ ආයේ බලන්නමයි හිතෙන්නේ. - මෙන්න බටර් )

මම මේ දවස්වල rapidshare ෆයිල්ස් බාගන්න මෘදුකාංගයක් භාවිතා කරනවා. සමහර අය දන්නවත් ඇති, ඒත් ඉතිං නොදන්න අයට හොඳයිනේ දැනගන්නත් එක්ක නේද? ඒකේ නම තමයි jDownloader මමනම් මෘදුකාංග ගැන හොඳටම දන්නේ නැහැ. ඒත් මම ෆයිල් ටිකක් බාගත්තා මේක පාවිච්චි කරලා. අනිත් එක මේක නොමිලේම බාගන්නත් පුලුවන්. රැපිඩ්ශෙයා ප්‍රිමියම් ගනි අපිනම් සල්ලි දිලම. පාවිච්චි කරන ඔක්කොම පට්ට හොර මෘදුකාංග. අපි තුන්වන ලෝකයේ රටවල්නේ, අපිට පුලුවන්ඳ අප්පා ඩොලර් දීලා ඔරිජිනල් ගන්න. :)

ඉතිං වෙන මොනවැයි?? අනේ මන්දා මමත් මගේ වල් පල් ලියනවා හැරෙන්න අවශ්‍ය දෙයක් ලියන්නේම නැහැනේ. ඒත් ඉතිං වෙන මොනවැයි කියලා ලියන්නෙයි දන්න තියෙන දෙයක් ගැන ලියනවා හැරෙන්න.

අපේ අර මාද්‍ය සහෝදරයන්ට ගහලා හමාරද??? නැත්නම් තව සබ්බුව දෙන්න තියෙනවද දන්නේ නැහැ නේද? විමල් විරවංශ බුදියැව්වේ කාත් එක්කද? විමල්ගේ ගෑණී අද ඇදලා ඉන්න යට ඇදුමේ පාට මොකක්ද? කියන එක පවා හොයලා කියන මේ මාද්‍ය සහෝදරයින්ට තමන්ට ගහලා යන උන්ටික හොයා ගන්න බැරිවීම ගැනනම් මට දුකයි.

හ්ම්ම් දැනට නම් එච්චරයි, අකමැත්තෙන් හරි කියෙව්වට ස්තුතියි. ලිවිමේ කලා රසයනම් මට නැත, ඒ නිසා ඔන්න ඔයේ ලියවේ. :)

අපේ රට වෙනුවෙන් ත්‍රස්තවාදින් මර්ධනය කරමින් ඉදිරියට ඇදෙන අපේම සෙබළ සොයුරන්ට මාගේ හදපිරි

උත්තමාචාරය

ජය පිට ජය නිසැකයි.

::: මෙන්න ලක්ෂපතියෙකු වෙන්න සක්විති වරමක් :::

2009-01-16T20:53:00.003+05:30

ඔබගේ උත්සහාය අනුව කෝටිපතියෙකුද විය හැකිය.

එයා ටෙල්, මෙයා ටෙල්, අන්තිමට ඔක්කොම පොල්තෙල්

2009-01-16T20:28:00.004+05:30

නිකම් දෙනවනම්,‍

පොරෝ පාරක් උනත්

ගන්නට රෙඩි

අපේ අය

පෝලිමේ සිට

එයාටෙල් සිම්

ගත්හ

ප.ලි. : ඉන්දියාව ශ්‍රි ලංකාවේ ස්වෛරිභාවයට අනවශ්‍ය ලෙස ඇඟිලි ගසන නිසාවෙන් මම මෑතක සිට උග්‍ර ඉන්දියානු විරෝධියෙක්මි.

එයාර් ටෙල් ගාස්තු :)

2009-01-12T13:03:00.002+05:30

මට ලැබුනු විදියටයි මේ. ඇත්ත නැත්ත දන්නේ නැත.

ප්‍රභාකරන්ව බංකරයකින් සොයාගනී....

2009-01-12T12:05:00.001+05:30

මීලඟට කව්ද????

2009-01-12T00:48:00.004+05:30

මෙන්න ඇමති රාජිතගේ අධිතාක්ෂණික රැකියා

2009-01-12T00:34:00.003+05:30

පුවත උපුටා ගැණීම- සිළුමිණ (11.01.2009)

අධි තාක්ෂණික රැකියා සඳහා වෙබ් අඩවියක්

ඇමැති රාජිත සේනාරත්න මහතා වෙබ් අඩවිය ආරම්භ කළ අවස්ථාව.

2009 ජාවා ශ‍්‍රී ලංකා මෘදුකාංග ප‍්‍රදර්ශනය හා සම්මන්ත‍්‍රණයට සමගාමීව අධි තාක්ෂණික රැකියා සඳහා අයදුම් කිරීමට www.hitecjobmarket.com නමින් වෙබ් අඩවියක් ආරම්භ විය.

වෙබ් අඩවිය ආරම්භ කිරීම, ඇමැති රාජිත සේනාරත්න මහතා අතින් ඉදිකිරීම් හා ඉංජිනේරු සේවා අමාත්‍යංශයේ දී පසුගියදා උත්සවාකාරයෙන් සිදු විය.

එහිදී අදහස් ප‍්‍රකාශ කළ ඇමැතිවරයා පැවසුවේ එමඟින් අප ශ‍්‍රී ලංකාවේ දක්ෂ දූ පුතුන්ට රැකියා සඳහා විදේශ වෙළෙඳ පොළක් ඇතිවන අතර ඒ සඳහා අවශ්‍ය ශ‍්‍රම බළකාය ශ‍්‍රී ලංකාවෙන් බිහිවීමට අවස්ථාව සැලසෙන බවයි.

මේ විශාල ජාතික මෙහෙවරේදී ජාවා තාක්ෂණය පදනම් කරගත් බුද්ධිය පදනම් වූ ශ‍්‍රම බළකායක් බිහි කිරීමට මේ තාක්ෂණය විශාල පිටුවහලක් වන බවද ඒ මහතා පැවසීය.

@

ඇමති (ප)රාජිත වැඩක් පටන් ගත්තම ලප් තැනම ලොප් වීම සාමාන්‍ය සිරිතකි. :) :)

මගේ පසුගිය සතිය :)

2009-01-11T21:08:00.004+05:30

හ්ම්ම්… මොනවද ලියන්නේ… පහුගිය දවස්වලනම් මොකුත් ලියන්න බැරි උනානේ. විජේසේකර එක බෝර්ඩ් එක පුරුදු වෙන එකත් එපාවෙනවා හෙමින් හෙමින් කොටන්න ගියාම. :) කොහොම හරි විජේසේකර එක තාවකාලිකව අයින් කලා. ආයේ ඒක පුරුදු වෙන්න හිතෙනකම්. සව්දි අරාබියාවට ආවට පස්සේ මමනම් ගොඩක් කම්මැලි වෙලා කියලයි හිතෙන්නේ. නිදාගත්තම නැගිටින්න හිතෙන්නෙ නැහැ., වාඩි උනාම හිටගන්න හිතෙන්නේ නැහැ. අනේ මන්දා කන එකටනම් කිසි කම්මැලි කමක් නැහැ. :)

මේ දවස්වල මට සතුටු වෙන්න කාරණා දෙකකුත් දුක් වෙන්න ලොකු කාරණාවකුත් තියෙනවා. පලවෙනි සතුට තමයි අපේ රණවිරුවන් කොටි බල බිදමින් ඉදිරියට ඉදිරියට යන එක. ඒකනම් මම හිතන්නේ ශ්‍රි ලාංකික හැමෝගෙම සතුටනේ. මට දැනෙන දෙවෙනි සතුට තමා ලංකාවට එන්න ලැස්ති වෙන එක. :) :) ඒත් දැනෙන ලොකුම දුක තමා මාගේ පලස්තීන මුස්ලිම් සහෝදර සහෝදරියන්ට අත්වෙලා තියෙන ඉරණම. තමන්ගෙම භූමියේ අනාථයන් වීම වගේම කුඩාදරුවන් කාන්තාවන් ඉතා කුරිරු ප්‍රහාර වලින් මියයාම. ලංකාවේ සිදුවෙන ඉතාම සුලු දේටත් කෑ කෝ ගසන විදේශිය බලවේග මේ ඊශ්‍රායිල් අමනුස්සකම් වලට කිසිවක් නොකිම ඔවුන්ට මිනි මරන්න අනුබල දිමක් හැටියටයි මට හිතෙන්නේ. ඒකට උන්ටම දොස් කියලා වැඩකුත් නැහැ. අද ඉස්ලාමිය පාලනයන් පවතින රටවල් පවා වචනයක් නොකියන කොට අනිත් උන්ට මොන රුදාවක්ද?? මැද පෙරදිග කලාපයේ රටවල් යනු මුළු මුස්ලිම් ජනග්‍රහනයෙන් 19% විතරයි. වැඩිපුරම මුස්ලිම්වරු ඉන්නේ ආසියාවේ සහ අප්‍රිකාවේ. ඒත් ආර්ථික අතින් වත් පොහොසත්කම් තියෙන්නේ මැද පෙරදිග රටවල් වලට. තමන්ගේ ආර්ථික කටයුතු වැටෙයි කියලා බයට කට වහගෙන ඉන්නවද දන්නේ නැහැ. කෙසේ නමුත් ලංකාවෙනම් ජාති ආගම් වලින් ඔබ්බට ගිය එකමුතුකමක් මේ පලස්තීන ප්‍රශ්නය සම්බන්ධයෙන් තිබෙන බවනම් පේන්න තියෙනවා. ඒකත් හොඳ දෙයක්.

මමනම් වහාම ක්‍රියාත්මක වන පරිදි සියළුම ඇමරිකානු සහ ඊශ්‍රායිල නිශ්පාදන පරිහරණය කරන එක නැවැත්වුවා. පෙප්සි, කොකා කෝලා සහ නොකියා නිශ්පාදන ඒ අතරින් විශේෂයෙන්ම නවතා දැමුවා. මුස්ලිම් සහෝදරයෙක්ගේ පපුවට වදින උන්ඩයකට සතයකින් හරි උදව් දෙන්නේ මොකටද.??? මම දන්න අදුනන හුඟ පිරිසක් මෙම නිශ්පාදන නවත්වලා. මමත් පෙප්සි වෙනුවට දැන් බොන්නේ අල්සි කෝලා කියන සව්දි නිශ්පාදනයක්. (හැබැයි මේ කෝලා බීම ශරිරයට හොඳ නැහැ කියලා දන්නවා)

හ්ම්ම් තව මොනවයි පහුගිය දවස්වල විශේෂයන්… සිරසට ගහන කොටයි, ලසන්තට ටිකට් එක දෙනකොටයිනම් මම රියාද් නගරයේ හිටියේ නැහැ. මම මක්කමට ගියා වන්දනාවේ. විශේෂයෙන්ම යන්න හිතුවේ ලංකාවට එන්න ලං උනාම යන්න වෙලාවක් තියෙයිද දන්නේ නැහැනේ කියලයි. ඒ වගේම පලස්තීන ජනතාව වෙනුවෙන් යාඥාවකින් හරි දායක වෙන්න තියෙන උවමනාවත් තිබුනා.

සව්දි අරාබියාවේ පලස්තීනයන් වෙනුවෙන් මහා ලොකු සම්මාදමක් තිබුනා. දේශීයයන් සහ විදේශීයයන් එකතුවෙන් ඩොලර් මිලියන 125 ක මුදලක් එකතු කරගන්න හැකිවෙලා. ඒ බෝහෝම සුලු කාලයකින්. මම හිතන්නේ සතියක් තුල එකතු කරගත් මුදල තමයි ඒ ඩොලර් මිලියන 125. ඊට අමතරව සමහර කෝටිපතියන් ලොරි ගනන්, කූඩාරම්, බ්ලැන්කට් සහ බෙහෙත් ද්‍රව්‍ය සපයා තිබුනා. ඒ වගේම මදි නොකියන්න ලේත් දන්දීලා තිබුනා.

සුදාරක මලයාගේ බ්ලොග් සටහනේ හැටියටනම් පොර සුපර් සිරස විරෝධියෙක් වගෙයි. කොහොම නමුත් සිරසටනම් සැලකිය යුතු පාඩුවක් නොවෙන්න ඇති රක්ෂණය කරලා තියෙන නිසා. දකුණු ආසියාවේ තාක්ෂණික අතින් ඉතා ඉහල ආයතනයක් ඉතා සුළු ආරක්ෂාවක් යටතේ තිබීම නම් විමතියට කරුනක් තමයි. හැබැයි සිරස කොටින්ට උදව් දීලා තිබුනනම් අනිවාර්යමයෙන් දඩුවම් දියයුතුමයි. නමුත් දඩුවම් දීපු විදියයි වැරදි. අපි හැමොටම සිරස ගැන දැනෙන දේවල්, ආරක්ෂක අංශ සහ ආණ්ඩු වලට නොපෙනෙන එකයි වරද?? එහෙම වැරද්දක් වෙනවා කියල දන්නවනම් කරන්න තිබුනේ රජ එෆ්. එම් එකට කලා වගේ තහනම් කරලා දාන්න. මොකද ඒව කරන්න නිතී නැතිව නෙමෙයිනේ. අනිත් එක ජනාධිපතිතුමා මෙච්චරකල් පොහෝදින ධර්ම දේශනාව විකාශය කරන්න දීලා තියෙන්නේ කොටින්ට. අනේ කාට කියන්නද ????

ලසන්තනම් පව්. එයාගේ ජිවිතේ අදුරු පැත්තනම් දන්නේ නැහැ. ඒත් සමහර දේශපාලකයන්ගේ හොද හොද වගතුගනම් ඔහු සතුව තියෙන්න ඇති. හොඳ මාධ්‍යවේදියෙක් නැතිවීමනම් පාඩුවක්ම තමයි ඉතිං. හැබැයි මමනම් ලංකාවේ මාද්‍යවේදින් ගැන හොඳ ආකල්පයකින් නෙමෙයි ඉන්නේ. හුඟක්ම ඉන්නේ බඩගෝස්තරවාදි, අවස්ථාවාදි පිරිසක්.

යුද්දේනම් ජයකනුව ලඟම. දෙයියනේ කියලා මොනවා හරි කරගෙන නිදහසින් ඉන්න පුලුවන් වෙයි අපි හැමෝටම. හැබැයි ඒකට හැම කෙනාගෙම ආකල්ප වෙනස් වෙන්න ඕන. නැත්නම් මේ ත්‍රස්තවාදයට විරුද්ධව ලබන ජයෙන් පලක් නැති වෙනවා.

කොටින්ගේ ලොක්කො වගයක් හමුදාවට බාරවෙන්න යනවා කියලා ලක්බිම පත්තරේ තිබුනා. ඒක ඒ විදියටම උනත් කරපු වැඩවලට දඩුවම් දෙන්නම වෙනවා. මොකද නැත්නම් පොඩි දේටත් කුදලගෙන ගිහින් මහ උළු ගෙදර දාන අයට වෙන අසාධාරණයක්. මම අහල තියෙන විදියට පොඩි පොඩි වැරදි කරපු අය සහ වැරදි නොකර කුදලගෙන ගිය අය ඉන්නවලු ඇප දෙන්න සල්ලි නැතුව. ලොකු ලොකු ගනන් නෙමෙයි රුපියල් 800-900 ඇපදෙන්නවත් පුලුවන් කමක් නැතිඅය ඉන්නව කියලයි මම අහල තියෙන්නේ.

හ්ම්ම්.. තව මොනවද.????? දැනටනම් එච්චරයි මතක් වෙන්නෙ. පොඩි බඩගින්නකුත් තියෙනවා කන්න ඕන මොනව හරි. මම එහෙනම් මේක දාලා පොඩි බඩගින්න නිවෙන්න ලොකුවට මොනවා හරි කාල එන්නම් හොඳේ.

මමයි, විජේසේකරයි..... :)

2009-01-03T15:28:00.003+05:30

ඔන්න මමත් මාරු උනා වි‍‍‍ජේසේකර යතුරු ලියනයට

මෙච්චරකල් ලිව්වේ ගාර්ප් එකෙන්. ප්‍රමිතියක් තියෙන එකකින් ලියන එක හොඳයි කියල හිතුනා. හැ‍බැයි බොහොම හෙමින් තමයි කෙටිල්ල. තාම පුරුදු වෙනවා.

ලොකු දේවල් ලියන්නම් හොඳටම පුරුදු උනාම හො‍ඳේ.

කොටි බල බිඳ ගෙන ඉදිරියට ඇදෙන අ‍පේ රණවිරුවන්ට ජයෙන් ජයම ලැ‍බේවා...

එක රටක් තුල අපි සැමටම සාමයෙන් සහෝදරත්වයෙන් ඉන්නට ලැ‍බේවා...

ඇමුණුම උපු‍ටා ගැනිම - රිවිර.lk

ඊශ්‍රායිලය විසින් පලස්තීනයේ කරනලද සැහැසිකම් වලින් බිඳක්......

2008-12-31T23:56:00.002+05:30

A Palestinian man cries over the body of his son following an Israeli air strike in Gaza December 27, 2008.

Bodies of Palestinian Policemen killed in the Israeli airstrike

Bodies of Palestinians are seen at Shifa hospital in Gaza December 27, 2008

Bodies of Palestinian Policemen killed in the Israeli airstrike

In this image taken from APTN video, Palestinian men carry two injured children into hospital after Israeli aircraft struck.

Palestinians lift a wounded woman to a vehicle after Israeli air force attacked Gaza City December 27, 2008.

Palestinians help a wounded man after Israeli air force attacked Gaza City December 27, 2008.

Palestinians transport the body of a Palestinian after Israeli air force attacked Gaza City December 27, 2008.

A Palestinian is rushed to hospital after he was wounded in an Israeli air strike on Gaza City.

A wounded Palestinian woman is rushed into hospital in Gaza City December 27, 2008.

Palestinians help a wounded man after Israeli air force attacked Gaza City December 27, 2008

Bodies of Palestinians are seen at Shifa hospital in Gaza December 27, 2008.

An explosion from an Israeli missile strike in the northern Gaza Strip

Smoke and fire are seen after an Israeli air strike in the northern Gaza Strip December 27, 2008

Palestinians inspects a destroyed Hamas police compounds following an Israeli air strike in Gaza December 27, 2008.

Palestinians inspect the site of an Israeli air strike in Rafah, a town in the southern Gaza Strip.

The leg of a Hamas policeman is seen between the rubbles following an Israeli air strike in Gaza December 27, 2008

Smoke rises after an Israeli bomb exploded in Beit Lahiya in the northern Gaza Strip December 27, 2008.

A Palestinian rescue worker inspects damage on a Hamas police compounds following an Israeli air strike in Gaza December 27

Palestinians inspect the site of an Israeli air strike in the southern town of Rafah.

A Palestinian man cries over the body of his son following an Israeli air strike in Gaza December 27, 2008.

Palestinian medics recover the body of a dead woman from the rubble of a destroyed Hamas police compound following an Israeli air strike in Gaza December 27, 2008

A Hamas policeman asks for help as others try to recover a body from a destroyed Hamas police compounds following an Israeli air strike in Gaza December 27, 2008

A Palestinian Hamas policeman inspects the destroyed former office of Palestinian president Mahmud Abbas.

Bodies of Palestinians are seen at Shifa hospital in Gaza December 27, 2008

Palestinians run for cover following an Israeli missile strike in Rafah, southern Gaza Strip, Saturday, Dec. 27, 2008.(AP)

A wounded Hamas policeman lies on the ground following an Israeli air strike in Gaza December 27, 2008.

The body of a Hamas police officer is transported to hospital in Gaza City December 27, 2008.

Bodies of Palestinians are seen at Shifa hospital in Gaza December 27, 2008

A Palestinian woman wounded in Israeli missile strikes is helped into the emergency area at Shifa hospital in Gaza City, Saturday, Dec. 27, 2008. (AP)

Palestinians gather at the site of a security compound used by the Islamic group Hamas following an Israeli missile strike in Rafah, southern Gaza Strip, Saturday, Dec. 27, 2008.

Bodies of Palestinian Policemen killed in the Israeli airstrike

Do you Know that Israel has Restarted Slaughtering innocent Gaza People by Recent Arial Attacks?

Israel launched a sudden air attack on Gaza and killed more than 300 people and still continuing
Israel is a great challenge for Islam, humanity and democracy. It is fortified with world super-power, US and its allies and many Multi-national companies
which dedicatedly pouring their profits in supporting the world terrorist, the child killer - Israel.
This is very clear truth. There are clear track record to prove that following companies strive to bring up Israel and establish the Zionist country in our holy land Let's forget about our favorite brands. We sacrifice our tastes for the sake of Innocent Palestinians who are squeezed under Israeli onslught.

Let's swear that we will never use following products in our life

It is our turn. We have to do our part. No point of blaming Arabs who doesn't care about Palestinians. We will be questioned by Allah, therfore, we should have done something to answer him.

Gaza Airstrikes: A WOUNDED TERRORIST

2008-12-29T17:03:00.000+05:30

'An earthquake on top of your head'

Dr Eyad Al Serraj, a practising psychologist in Gaza City, describes his family's terror as the Israeli attack began

guardian.co.uk, Saturday 27 December 2008 15.26 GMT

A wounded girl is carried to hospital after Israel's attack on Gaza Photograph: Majed Hamdan/AP

The bombing went on for about 10 minutes. It was like an earthquake on top of your head. The windows were shaking and squeaking. My 10-year-old was terrified, he was jumping from one place to another trying to hide. I held him tight to my chest and tried to give him some security and reassure him. My 12-year-old was panicking and began laughing hysterically, it's not normal. I held her hand and calmed her and told her she would be safe. My wife was panicking. She was running around the apartment looking for somewhere to hide.

We live on the ground floor so we headed to the basement.

Not very far from our home is the headquarters of the police and there was a massive bomb. The chief of police was killed. Two streets away there was another bomb and more people were killed. The office of the president is about one kilometre from our house and it was also bombed.

We went downstairs to the basement and tried to hide ourselves from the shelling. The child of one of our relatives, who lives in our building, finally came home from school. We hadn't been able to find her. All the phone connections were jammed. She came home and she was in a very serious state of shock. She was pale and trembling and she was describing dead bodies in the streets. On her way home she passed Hamas people in uniform and they were dead.

I had been very apprehensive when I woke up this morning. I had some bread, some cheese and a glass of tea. Like all the people in Gaza I felt that something was going on and something very serious. When Israel allowed the delivery of food and fuel [when it ended the blockade of Gaza yesterday] I said to myself and my friends that Israel is really planning a massive strike. They don't want to be blamed for starving the people.

I was sitting in the living room with my family trying to figure out what to do today for lunch, it's our main meal. What to cook and how to cook, whether we have enough to eat. There was no rice so I wanted to have lentil soup and my wife said "No, there's no lentils in the market." I said "What else can we do?" She said "I bought some cans of food." We were discussing this when suddenly the whole thing erupted. Suddenly there was a big explosion.

Right now I feel very anxious about what's going to happen. I'm worried about how many more people are going to die.

ඉස්ලාම් සහ මුස්ලිම්වරු ගැන.

2008-12-28T14:45:00.002+05:30

මා ප්‍රිය මුස්ලිම් නොවන සහෝදර සහොදරියනි.,

අන් ආගමක් දර්ශනයක් පිළිබඳව වැරදි ආකල්ප සිතේ තබා නොගන්න. ඒ ගැනත් ඉගෙන ගන්න. බොහොමයක් ශ්‍රි ලාංකික මුස්ලිම් නොවන අයට ඉස්ලාම් ආගම ගැන හෝ මුස්ලිම්වරු ගැන දන්නේ බොහෝම ටිකකි. බොහෝවිට මුස්ලිම්වරුන් අච්චර මෙච්චර කාන්තාවන් විවාහ කරගනිති හෝ මුස්ලිම් මස් අනුභව කරති යන්න පමණක් කීමට දන්නා මුස්ලිම් නොවන අය මා අනන්තවත් දනිමි. ඒ නිසා ඉගෙන ගන්න අන් ආගම් සහ දර්ශන. එය අන් අය ගැන තම සිතේ උපදින ජාතිවාදි හැඟිම් සහ පටු ආකල්ප වෙනස් කිරිමට උපකාරි වේවී. බුදූන් පවා කියා තිබෙන්නේ “අපදාන සෝභිනි පඤ්ඤා” (ප්‍රඥාව / ඥානය චරිතය ලස්සන කරයි) යනුවෙනි.

ඉස්ලාම් ගැන සිංහලෙන් දැනගන්න, ගොඩවෙන්න.

www.yayuthumaga.com
www.sihalamuslims.org

උන් නරකය... අරව හොඳය....

2008-12-28T14:19:00.001+05:30

හුඟ දවසකට පස්සේ ශ්‍රි ලංකා රෙස්ටෝරන්ට් එකට ගියා. (රියාද් වල හොදේ.) මම මේ රෙස්ටොරන්ට් එකට ඇවිදින දුරින් හිටියත් (බතා ප්‍රදේශය) යන්නේ බොහෝම අඩුවෙන්. කෑම බීම නම් වැඩියම අව්ලක් නැති උනාට. ලංකාවේ ගතියක්නම් නැහැ. ඒ වගේම ඒ හරියට සෙට් වෙන්නේ අමුතුම කට්ටියක්. කොහොම උනත් රෙස්ටොරන්ට් එකේ තේ එකනම් පට්ට. J හොඳට සීනි එහෙම දාලා දෙන්නේ. ඉතින් මමත් තේ එකක් අරගෙන එලියේ බංකුවේ වාඩි උනා. ඒ ලඟම දෙන්නෙක් බර කතාවක්. කතාව අරාබින්ට පළුයන්න බැනීම. දෙන්නම තරගෙට වගේ අරාබින්ට බනිනවා… ආයතනය ගැනයි. අරාබීන් ගැනයි කිය කිය. ඔන්න ඔහොම ටිකක් යනකොට අරාබියා තම්බියා වෙලා අම්බයා වෙලා දැන් ඔන්න සකල ලෝකවාසි මුස්ලිම්වරැන් ගැනම සාකච්චාව. දැන් ඔන්න මා දිහා බලපු කෙනෙක් එයාගෙ හඩ බාල කලා. (එයාට තේරෙන්න ඇති මේ ලඟට වෙලා ඉන්නෙත් තම්බියෙක් කියල) ඒ වගේම එයා කියවන එකත් අඩු කරලා අනිත් කෙනා කියන දේකට විතරක් උත්තර දීලා ඉන්නවා….

ඉතින් තව ටිකක් වෙලා යන්න දීලා මමත් කතාවට බලෙන්ම වගේ එන්ටර් උනා. මොකත මමත් මුසල්මානුවෙක්නෙ. ඉතින් අපිට අම්ම මෝ නැතිම බනින කොට බලන් ඉන්න පුලුවන්ද. ඒ වගේම අතේ පැලවෙන බොරුත් එක්කම. ඉතින් මම ඇහැව්වා එක්කෙනෙක්ගෙන් හරි ප්‍රශ්න නේද කියලා. එයා කියනවා “ඔව් මල්ලි. මේ අරාබි හැත්ත එක්ක වැඩ කරන්න බැහැ. අරකයි මේකයි කියලා. ඉතින් මම ඇහැව්වා එච්චර ප්‍රශ්නනම් ඇයි අස්වෙලා ලංකාවට යන්නේ නැත්තේ මුස්ලිම්වරුන්ට බනින්නේ නැතුව කියලා. එයාට එකපාර ටිකක් අප්සට් ගියා. එත් කියන්න ඕන එක අපි කියන්න එපැයි. නැත්නම් හරි නැහැනේ. එතකොට ඒ මනුස්සයා කට වහ ගත්තා. නෝ කතා නෝ සිනා.

මෙහෙ ආව ගොඩක් අය හිතන් ඉන්නේ මෙහෙ රටවල්වලින් මෙයාලව බලෙන් මෙහෙට ගෙනාව කියලා. තමනුත් දැනගෙන, කැමැත්තෙන් ආවේ කියන එක අමතකයි. මම කියන්නේ නැහැ මැද පෙරදිග හැමෝම හොදයි කියලා. මටත් ප්‍රශ්න තියෙනවා අරාබින් එක්ක. ඒත් ඒ ප්‍රශ්නේ නිසා ජාති ආගම් සම්බන්ධ කරලා කතා කරන එක වැරදියි. මොකද කොයි සමාජෙත් කළු බැටළුවෝ ඉන්නවනේ. මම ලංකාවේ ඉන්නකොට වැඩකරල ආයතනයත් එක්ක ප්‍රශ්න තිබ්බා. හැබැයි ඒකට මුලු සිංහල බෞද්ධයන්ටම බැනලා දොස් කියලා වැඩක් නැහැනේ.

කොහොම හරි මම මේ කතාව මගේ යහළුවෙක්ට කිව්වම එයා කිව්වේ “අරාබින් නරක උනාට උන්ගේ රියාල් නරක නැහැ කියලයි.” එතකොට මට මතක් උනේ කොටින්ට උදව් කරන දෙමළ නොවන අයව. එයාල හිතනවා ඇති “කොටි නරක උනාට උන්ගෙ සල්ලි නරක නැහැ කියලා.”

ඔන්න ඔහොමයි ලෝකේ… J

රැවටෙන්න එපා - ශ්‍රි ලංකා මහ බැංකුවෙන් පණිවිඩයක්.

2008-12-25T15:29:00.004+05:30

අශ්වයා ගියාට පසු.......

කොහොමද මීදූම අබූඩාබියේ :)

2008-12-24T17:31:00.002+05:30

මේ තියෙන්නේ අද උදේ (24.12.08) අබුඩාබි නගරයේ තිබුනු මීදුමේ තරම

විශේෂ ස්තුතිය : ඉන්දීය ජාතික රමේෂ්ට :)

බඩුම තමා සංසිද්ධිය.

2008-12-23T14:13:00.003+05:30

ඔන්න නිරුවත් වීඩීයෝ ක්ලිප්ස් වලට මුහුණ දීපූ ගැහැණු පිරිමි දේපාර්ශවයම හදූනාගෙන අත්අඩංගුවට ගන්න සැලසුම් සකස් කරලා. නරකම නැහැ වැඩේනම්. ජනතාවගෙන් තමයි සහය පතන්නේ මේ අයව හොයන්න. ඔය ජනතාව අතරින් මේ අය ලඟට ගිය අයට ඔන්න චාන්ස් එක පාවලා දෙන්න.  (මමනම් මේ අයව මීටකලින් දැකලාවත් නැහැ ඔන්න.) හැබැයි ඕකේ තව පොටෝ එකක් අඩුයි. ඒ තමයි අනුශා සොනාලි පින්තූරේ. දන්නෝ දනිති එයාගේ කොටස් 16 ක ලොකුම ලොකු වීඩියෝ එකක් පිට ගියා කියලා අමු අමුවෙම. ඒ කෙසේ නමුත් මේවා හොයලා කරලා නවත්වන එකනම් ගොඩක් හොද දෙයක්. සියරට දේ සිරි සැපදේ කියලා, කියලා දීලා නිසා අපේ අය හොයන්නේම සියරට දේ.

ඔන්න අද විමසුම.කොම් එකේ තිබ්බ මේ අයගේ පින්තූර.

මෙන්න විමසුම ලින්ක් එක.
http://www.vimasuma.com/new_full_story.php?subcatcode=2&newscode=1417986654

වැඩකට ඇති දෙයක් නම් නෙමෙයි, කැමතිනම් කියවන්න :)

2008-12-23T13:39:00.003+05:30

හ්ම්ම් මේ දවස්වලනම් මොකුත් ලියන්න හිතුනෙම නැහැ. නිකන් මොනවා හර් දානවා මිසක්. මේ ටිකේ හරිම කම්මැලියි. මොකද මෙහෙ ගජරාමෙට සීතල. ඉතින් වකුටු ගැහිගෙන ඉන්නවා මිසක් මොකුත් කරන්න හිතෙන්නෙම නැහැ. ඔෆිස් එකට ආවම කඩියා වගේ ඔෆිස් එකේ වැඩ කරනවා හැරෙන්න වෙන මොකුත් කරන්න වෙලාවක් නැහැ. හැබැයි මේ මොන වැඩ තිබුනත් හැමදාම උදෙන්ම කරන වැඩ මිස් කරගන්නෙ නැහැ. :) ඒ කිව්වේ ලංකාවේ පුවත්පත් අන්තර්ජාලය හරහා කියවීම සහ සිංහල බ්ලොග් කියවීම වගේ දේවල්.

ඒ විතරක් නෙමෙයි ලබන මාසේ ලංකාවට එන්නයි සූදානම, ඉතින් ඒකට අවශ්‍ය කටයුතුත් සම්පාදනය කරන්නත් එපැයි. ඉතින් ලබන මාසෙන් පස්සේ බොහෝ වෙලාවට සව්දි අරාබියාවේ රස්සාවට ආයුබෝවන්. ලංකාවට ඇවිල්ලා මොනවද කරන්නෙ කියන අදහසක් නැති වුනත්, මෙහෙ ආවේ නැත්නම් ලංකාවේ කොහොමත් ඉන්න වෙනවානේ කියලා හිතාගෙනයි එන්නේ. ඒ නිසා ආපු ගමන් ජොබ් කට්ටක් හොයාගන්න ඕන, නැත්නම් සොරි.කොම් තමයි. හුගක් යාලු මිත්‍රාදින්නම් කියන්නේ දැන්ම එන්න එපා කියල. මොකද ලංකාවේ තත්වේ හරි අප්සෙට්ලු. :( ඒත් අපි මෙහෙ කන කට්ට එයාලා දන්නෙ නැහැනේ. බලමු කොයි දේ වෙන්නෙත් හොදටයි කියනවනේ.

අදහසක් තියෙනවා ලංකාවට ආවම පොඩි පහේ ව්‍යාපාරයක් පටන් ගන්න. හැබැයි තාම හරි හමන් දෙයක් සෙට් උනේ නැහැ. මේක බලන ඔයාලත් පුලුවන්නම් පොඩි අදහසක් දෙන්න මොන වගේ දෙයක්ද ලංකාවට හරි යන්නේ කියලා හැබැයි පොඩි ප්‍රාග්ධනයකින් පටන් ගන්න එකක් වෙන්න ඕන. ඒ වගේම ඉස්ලාම් ධර්මයට පටහැනි නොවන බිස්නස් එකක් වෙන්න ඕන. විශේෂයෙන් දුප්පතාව හුරන් කන පොලිය කියන පිළිලයෙන් ඉවත් වෙච්ච දෙයක් වෙන්නත් ඕන.

කොහොම නමුත් ව්‍යාපාරයක් පටන් ගන්න බැරි වුනොත් දැන් කරනවා වගේ ෂිපිං ෆිල්ඩ් එකේම තමයි ඉන්න වෙන්නේ. රස්සාවක් කරගෙන ඉන්න එකත් නරක නැහැ. ඒත් තමන්ගෙම දෙයක් පටන් ගත්තාම හිතට දැනෙන්නේ පුදුම නිදහසක්. පැය 24 මැරිගෙන වැඩ කලත් අපේ දෙයක් නිසා ලැබෙන පොඩි දියුණුවත් හිතට පුදුම හයියක්.

හ්ම්ම්…… හා උබුන්ටු සීඩී එකක් ලැබුනා. ඒක දැම්මා ලැපාට. වින්ඩෝස්වලම තමයි දැම්මේ. කොහොමත් අපි වින්ඩෝස් වලින් පටන්ගත්ත අය. ඉතින් එකපාරම අහක දාන්න පුලුවන් කමක් නැහැ. ලැපාව දැම්මා අප්ඩේට් වෙන්න උබුන්ටු අප්ඩේට්ස් 203 තියෙනවා. ඒ ඔක්කොම දාගෙන තමයි බලන්න ඕන මට හරියනවද නැද්ද කියන එක. හැබැයි දැනට පාවිච්චි කරපු ටිකටනම් හොදයි කියලා හිතුනා. ඒත් තවටිකක් ස්ටඩි කරන්න ඕන.

ඔන්න යුද්දෙත් දැන් ඉවරවී ගෙන එනපාටයි. ඒකත් ඉවර උනොත්නම් ගොඩම තමයි. හැමෝටම පුලුවන් වෙයි මොන මොනවා හරි කරගෙන දෙයියනේ කියලා ජීවත් වෙන්න. ගොඩක් අය ආයෝජනය නොකර ඉන්නේ යුද්දේ ඉවරවෙනකම්. ඉතින් ඒකත් ඉවර උනොත් අපි හැමෝටම හොඳ හෙට දවසක් බලාපොරොත්තුවෙන්න පුලුවන්. බලමු ඒකත් නේද. බලාපොරොත්තුනේ මිනිසෙක්ව ජිවත් කරවන්නේ කියලා කියනවානේ.

ඔන්න දැනට ඉවරා……යි. අමාරුවෙන් කියෙව්වාට බොහොම ස්තුතියි. චූටිම චූටි නිදහස් කාලයක් ලැබුන නිසායි මේ ටිකවත් අකුරු කරන්න ලැබුනේ.

මේ ෂැම්පු ඇඩ් එකක් (ද) ?? %^$&^%*$

2008-12-20T17:31:00.004+05:30

කාගෙත් කොතැනත් ජනහඳ ජයගත්
ෂැම්පු......
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*

ලෝක ආර්ථික අර්බුදය හමුවේ.........

2008-12-20T17:20:00.004+05:30

ලෝක ආර්ථික අහේනිය නිසා ලෝ ප්‍රකට ආයතන කඩාවැටෙන අයුරු ඔවුන්ගේ ආයතන ලාංඡ්නයන් මගින් පෙන්නුම් කර ඇති අයුරුයි මේ. මෙය මා හට විද්‍යුත් තැපැලකින් ලැබුනකි.

අනේ අපොයි...... :)

2008-12-20T10:58:00.002+05:30

සුභ නත්තල් සහ වෙනසක් :)

2008-12-18T11:41:00.004+05:30

එදා සහ අද............ :)

2008-12-15T13:38:00.004+05:30

මේ තියෙන්නේ මට විද්‍යුත් තැපෑල හරහා ලැබුනු පිංතූර දෙකක්.

මෙන්න තවත් කලාවක්.

2008-12-14T18:59:00.006+05:30

මේකට කියන්නේ වැළි කළා කියලා. ඇත්තෙන්ම කළාත්මකයි. :)

ලංකාවේ විතරමයි, බඩුම තමයි.

2008-12-14T18:23:00.005+05:30

රස විදින්න පින්තූර ටිකක්.... :)

ප.ලි. කාහටවත් මඩ ගැසිමට, හිත් රිදවිමට සිතුවා නොච, රසවිදිමට පමණක් බ්ලොග් ගත කලෙමි. මෙම බෝර්ඩ් ඇඳි, සවිකල, ඇලවු හා එම ස්ථාන භාරකරුවන් මට කමා කරත්වා :) නිදුක් වෙත්වා, නිරෝගි වෙත්වා, බිස්නස් වැඩි වැඩියෙන් ලැබෙත්වා...

“ඔව්… මම පොරක් තමයි” - කසුන් කල්හාර…

2008-12-13T18:31:00.002+05:30

කසුන් කල්හාර - වෙනස් කෙනෙක් කිව්වොත් හරියටම හරි. පහුගිය දවස් වල බ්ලොග් සටහන් දෙක තුනක මොහු ගැන තිබුනු නිසා මටත් හිතුනා මොහු ගැන මට ඉස්සර ලැබුනු විද්‍යුත් තැපෑලක තිබුනු දේ සටහන් කරන්න. මටනම් ඔහුගේ විශේෂත්වයක් විදිහට දැනුනේ පැත්ත ගියත් ඇත්ත කථාකරන කෙනෙක් හැටියට. එ කතා විලාශයටනම් මම ගොඩාක් කැමති. බොරු බටර් මාගරින් නැතුව කියන එක කෙලින් කියන ගතිය බොහොම හොඳයි.

අපේ පොල්ලිස් - මෙන්න තවත් බඩුම තමා පින්තූරයක්

2008-12-11T17:34:00.004+05:30

කාර්‍යබහුල වීම නිසා සිදුවු අකරතැබ්බයක්නම් වෙන්න බැහැ....

මෙන්න ගල්ෆ් (මැද පෙරදිග) තතු.

2008-12-04T11:57:00.003+05:30

* දේශිය ස්ථාවර දුරකථන ඇමතුම් නොමිලේ

* ඉන්ධන මිල ජලයටත් වඩා අඩුයි. (ලංකාවට සාපේක්ෂව ජලයත් මිල අඩුය)

* ගොඩනැගිලි මාස 6 ක් වැනි කාලයකින් ඉදිකර අවසන් කෙරේ

* සුදුසුකම් අඩු පිරිස් සුදුසුකම් ඇති අයට වඩා වැටුප් ලබයි
(ලංකාවෙත් එසේමය. ඛනිජ තෙල් සභාපති අසන්ත ද මෙල් හොඳම උදාහරණය වේ)

* සෝබන වැඩ යථාර්තයට වඩා බෙහෙවින්ම වෙනස්ය (බොරු කලර්ස්)

* තමන්ගේ රටතුල ලැබෙන වැටුපට වඩා අඩු වැටුපකට කම්කරුවන් සේවය කරයි
(සේවයේ ඇති ස්ථිර බව නිසාවෙන්)

* තමන්ගේ සේවකයින් කිසිම හේතුවක් නොමැතිව රැකියාවෙන් පහ කිරිමට ආයතනයන්ට හැකිය.
(දැන්නම් කොහෙත් එහෙමය)

* රෙකමදෝරුව මුදලට වඩා බලවත්ය (බඩුම තමයි. ලංකාව වගේමයි)

* කා.කා.ස වරුන් / පිරිසිදු කරන්නන්ගේ රෙකමදෝරුව නිලධාරින්ගේ රෙකමදෝරුවට වඩා බලවත්ය
(ඒකත් එහෙමයි හා)

* ගල්ෆ්හි (මැද පෙරදිග) කාලගුණය නිරන්තරයෙන් වෙනස් වේ. පැයක් තුල වැලි කුණාටු,
වැසි, සීත කාලගුණය, උණුසුම් කාලගුණය, ආර්ද්‍රතාවය දැකිය හැක(අපේ කෙල්ලො වගේ)

* සතර අතින් කාන්තාර වුවත් හරිත පැහැ තුරුලිය සෑම තැනකම පාහේ දැකිය හැක
(ලංකාව සතර අතින් හරිත පැහැවුවත් කාන්තාර වෙමින් පවති)

* මැද පෙරදිගදි මුදල් ඉපැයිය නොහැකිනම් වෙන කිසිම රටකදී ඉපැයිය නොහැක
(වැටුප් සඳහා ආදායම් බදු ආදිය නොමැත, කුමන දේ කලත් ගානක් කඩා ගත හැක)

* කාලය වේගයෙන් ගෙවෙයි. සිකුරාඳා සිට ඊලඟ සිකුරාඳා දක්වා කාලය වේගයෙන් ගෙවේ

* පවුලේ අයට, යහළුවන්ට, නෑදෑයන්ට දක්වන ආදරය, කරුණාව, ලෙන්ගතුකම මෙහි පැමිණීමෙන් පසු
බෙහෙවින් වැඩිය (මෙහෙ ආවම තමයි හැමෝටම කතා කරන්න හිතෙන්නේ)

* නිවසටවී සිටිම / කාමරයට වී කාලය ගෙවිම කන්තෝරුවේ සිටිමට වඩා අමාරුය
(කාමරයට වී කුමක් නම් කරන්නද??)

* මැද පෙරදිගට පැමිණෙන ආසියාතිකයින් ආගම දහමට බොහෝ ලැදිබවක් දක්වයි.
(මෙහි පැමිණිමෙන් පසු)

* මැද පෙරදිග තරුණියන් හින්දි සින්දු මුමුණයි. නමුත් තේරුම නොදනි. (අපේ මෝඩරැල වගේමයි :))

* සෑම තැනකම පාහේ කාන්තා රූපලාවන්‍යගාර, ස්ටාර්බග්ස් (කොෆි ෂොප්) දැකිය හැකිය

* ආහාර පාන / සිල්ලර බඩු වාහනයටම සපයයි

* මධ්‍යසාර නොමැති සමාජශාලා දැකිය හැකිය (හොර මත්පැන් ඇත)

* සෑම කි.මී. 5 වරක් සුපර් මාර්කට් දැකිය හැකිය (ලංකාවෙනම් සමහර ප්‍රදේශවල බාර් දැකිය හැකිය. උදා.
දෙමටගොඩ ප්‍රදේශය)

* රියදුරු බලපත්‍ර ලබාගැනිම වාහනයක් මිලදි ගැනිමට වඩා අසීරුය (බලපත්‍ර සඳහා බොහෝ සුදුසුකම් සපුරා
තිබිය යුතුය)

* කාන්තාවන් සඳහා කිසිම තැනක පොලිම් නැත (හොඳ සංකල්පයක්)

ඔබ සතුවත් මැදපෙරදිග අසාමාන්‍ය තොරතුරු වේනම් කොමෙන්ට් තුලට ඇතුලත් කරන්න.

තරුණියකට පෙම්කරන්න ගිය කොන්දොස්තර අලි අකරතැබ්බයක - ලංකාදීප - දෙයියෝ සාක්කි

2008-12-03T11:25:00.004+05:30

ඊයේ (02.12.08) ලංකාදීප පත්තරේ දෙයියෝ සාක්කි තීරුවේ තිබුනේ "තරුණියකට පෙම්කරන්න ගිය කොන්දොස්තර අලි අකරතැබ්බයක" කියලා විස්තරයක්. අනේ ඒක දැක්කම මට හිතුනා ඒ කෙල්ලට පයින් දෙකක් දෙන්න ඕන කියලා. ජොබ් එකක් නැතිව අතනයි, මෙතනයි, බෝක්කු උඩයි, කානු උඩයි සිගරට් බිබී, මල් ඇද ඇද අනුන්ගේ ඕපදූප කතා කරගෙන, ගෙදරින් දෙන දේ කාලා ගෙදරටත් ගෑස් පෙන්නන් ඉන්න කොල්ලෝ ඕන තරම් ඉන්න රටේ දෙයියනේ කියලා කොන්දොස්තරකමක්වත් කරගෙන ඉන්න එක කොච්චර දෙයක්ද?? හොර බොරු වංචාව නැතිව පොඩියට හරි ජොබ් එකක් කරන එක කොච්චර හොඳද? අපේ දැන් ඉන්න සමාජයේ කෙල්ලන්ට ඕවා නොතේරෙන එකයි පුදුමේ. පොඩි කාලේ ඉදලම ඔලුගෙඩි වලට පුරවන්නේ සල්ලි සල්ලි සල්ලි. ඉතින් උන් ලොකුවෙන කොට හොයන්නේ සල්ලි තියෙන උන්. අනුන්ට ගිනි දීලා හරි කමක් නැහැ හොඳ යාන වාහන තියෙන, හොද ගෙවල් දොරවල් තියෙන උන්ව තමයි හොයන්නෙ. මොන පහත් වැඩක් කලත් කමක් නැහැ සක්විති කෙනෙක් වගේ ජීවත්වෙනවනම්.

වැදගත්කම තියෙන්නේ කරන රස්සාවේ නෙමෙයි. ජිවත්වෙන විදිහෙයි

අනේ රට යන අත… වට් ටු ඩූ‍.

ප.ලි. ජීවත් වෙන්න සල්ලි ඕන තමයි, ඒත් සල්ලිම ජීවිතේ උනොත්…

පොඩි එකාට බඩුම තමයි.

2008-12-02T18:36:00.003+05:30

අනේ... තා...ත්...තේ..... මගේ හු....ස්ම හි...ර වෙනෝ... නවත්ත්ත්ත පියෝ.................

ෂෝක් පොඩි එකා... පව් :) හික් හික්ක්...

මම කැමතිම < --> වැස්ස.

2008-12-01T14:08:00.008+05:30

වැස්ස සම්බන්ධයෙන් බ්ලොග් සටහන් දෙක තුනක්ම දැක්කා පහුගිය දවස්වල. ඒත් කාගේ කාගේ එව්වද කියලානම් මතක නැහැ. එකක් මම හිත්න්නේ අමල් ඉෂාන්තගේ වෙන්න ඕන. ඉතින් මට ඒ වැස්සේ ස්ටෝරිස් කියෙව්වම ඉන්න බැහැ අප්පා.. :) හිතුනා මගෙත් වැස්සේ අත්දැකීම් කියන්න. වෙලාවක් එහෙම තියෙනවනම් කියවන්න. නොකියෙව්වා කියලා තරහා නැහැ. කම්මැලිකමට ලියන එව්වානේ. :)

හ්ම්ම්.. කොහොන්ද පටන් ගන්නේ. ඉස්කෝල ජිවිතෙන් තමා පටන් ගන්න ඕන.

ඉස්සර මාවයි මල්ලිවයි ඉස්කෝලේ එක්ක යන්නෙ අපේ තාත්තා, බයිසිකලේ තමයි යන්නේ. මල්ලි ඉස්සරහා, මම පිටිපස්සේ. කි.මි. 6-7 දුර යන්න ඕන ඉතින් ඉස්කෝලෙට, එතකොට මම 5 නැත්නම් 6 පන්තියේ වැස්ස දවසට ඉතින් රේන්කෝට් දාගෙන තමයි ඉස්කෝලේ යන්නෙ. මොන කෝට් දැම්මත් හරි යන්නෙ නැහැ, කෝට් එක ගලවන කොට බඩුම තමයි, ඇඟපුරාම වතුර. වට් ටු ඩු. සපත්තු ඇතුලෙත් වතුර, ඇවිදින කොට සපත්තුව කිචි කිචි ගානවා. අපිට රේන්කෝට් ඇන්දුවට තාත්තානම් නාගෙනම තමයි බයිසිකලේ පදින්නේ...

ඉස්කෝලෙ ඇරිලා එනකොට වැස්සොත්නම් අපිට සතුටුයි. කොහොමත් ගෙදරනේ යන්නේ කියලා හොදට වැස්සේ තෙමිගෙනම, මඩ වලවල් වලට පැනලා හොඳට සෙල්ලම් කරලා තමයි ගෙදර යන්නෙ. ඒකත් ආතල් ජීවිතේ නේද??

කොහොම හරි 7,8 පන්තියේ ඉද්දි අපි වෙන තැනකට ගෙවල් හදාගෙන මාරු වුනා. ඒ එරියා එකනම් අප්සෙට් අප්පා… :) වැඩේ කියන්නෙ ගෙදරට වතුර නැහැ, වතුර ගේන්න කිලෝමීටරයකට කිට්ටුවෙන්න යන්න ඕන. එතන තියෙන පොදු පයිප්පෙන් නාගෙන තවත් ලීටර් 20 බූලී දෙකකට වතුර පුරවගෙන බයිසිකලේ තියාගෙන එන්න ඕන. ඉතින් මේ අලුත් ගෙදර ගියාම වැස්සට ෂෝක්. මොකද ගොඩක් වැස්සම නාන්න පොදු පයිප්පෙට යන්න ඕන නැහැ. බොන්න විතරක් වතුර අරන් ආවම ඇති. මොකද නාන්නේ වැස්සේ. අපේ වහලෙට දාලා තියෙන පීල්ලෙන් එන වතුර ලොකු බැරල් එකකට පුරවලා ඒ වතුරෙන් තමයි නාන්නේ. අපේ අම්මලනම් වැස්සේ තෙමෙන්න එපා ලෙඩවෙයි කියලා කවදාවත් කියලා නැහැ. දෙවි පිහිටෙන් වැස්සේ තෙමිලා ලෙඩවෙලත් නැහැ. ඉතින් ඔහොමයි පොඩි කාලේ.

ඊට පස්සේ ඊට පස්සේ අපි ලොකුවෙනකොට ටිකක් ටිප්ටොප් එකට ඉන්න ඕන නිසා වැස්සේ තෙමියෙන ගමනක් එහෙම යන එක අඩු වුනා. උසස්පෙළ කරන කාලේ සෙනසුරාදාට වහිනවා කියන්නෙ අපිට නොදැනුවත්වම හරි මළපනින කාලෙනේ. මොකද නුගේගොඩට බහින්න බැහැ. මඩ ගොඩයි. ඒ වගේම වල බහින්නත් බැහැ. අනිත් එක කොච්චර වැස්සත් කුඩ අරන් යන වයසක් නෙමෙයිනේ. උසස් පෙළට ටියුෂන් ගිය අය දන්නවනේ අර ගැහැණු කුඩයක් අතේ අරන් යන්න තියෙන අකමැත්ත නේද.???
ඒ දවස්වල ඇවිදින්නෙත් හෙමින් අඩිය උස්ස උස්ස මොකද කලිසම් වාටියේ මඩ වදි කියලා. හීහී…. ඉතින් ඔන්න ඔහොමනේ උසස් පෙළකාලේ. මල් හතයි ඒ ලෙවල් සීසන් එක නේද? ගෙදරින් දෙන ගානකට තට්ටු කරන් ගිහින් කරපු දේවල් :) :)

ඔන්න ඊට පස්සේ ලව් කරන කාලේ. ගෑනු ළමයව හම්බ වෙන්න දාගත්ත දවසට උදේට වැස්සොත් කේස්. මොකද එන්න කියන තැනට යන්න පරක්කු වෙනවනේ. ලව් කරන කාලේ රත්තරනින් හැදු කුඩයක් හරි ලැබුනොත් අරන් යන්නේ නැහැනේ. මොකද අර එක කුඩේ යන්න තියෙන චාන්ස් එකට කෙලවෙනවනේ. අනේ අපරාදේ කියන්න බැහැ වැස්ස දවසට මම ලේට්. ඒ වෙලාවට එයාගේ මුහුණත් කලු වෙලා වැහි කලුව වගේම. (අර ඩැඩීලගේ සින්දුවේ වගේ) :) ඒ වගේම ලව් කරන කාලේ කොච්චර වැස්සත් අයිස් ක්‍රීම් තමයි කන්නෙ :) කොච්චර වැස්සත්, ගංවතුර ගැලුවත් අපි කානිවල් අයිස්ක්‍රිම් පාලර් එකේ.

ඔන්න දැන් තමයි ජොබ්කරන කොට වැස්සට අහුවුන කාලේ. මුල්ම රැකියාවට යන්න යන දවසෙත් ගනසැරේට වැස්ස. කොහොම හරි බාගයක් දුර ගියාට පස්සේ වැස්ස තවත් වැඩි උනා. ඊට පස්සේ දවල් කෑමට ගෙදරින් දීපු රුපියල් 40 ත්‍රීවීල් එකට දීලා ඔෆිස් එකට ගියා. මොකද පලවෙනි දවසෙම ලේට් වෙන්න බැරිනිසා. හැබැයි දවල්ට බඩගින්නේ. :)

ඒ වගේම වැස්ස දවසට කොහොමද බස් වල යන්න ගියාම කලු සපත්තු මඩ පාටවෙලා, කලිසම පැගිලා. ඊයා… ඒත් ඉතින් ජොබ් එකට යන්න එපැයි. නැත්නම් ලැබෙන ගානටත් කෙලවෙනවානේ.

ඔහොම ඔහොම ඉන්නකොට තවත් ආයතනයකින් ආපු ඔෆර් එකක් නිසා එහෙට සෙට් උනා. එහෙදිනම් බයික් එකක් දුන්න. පංකාදු පහයි. මොකද බස් වල චාටරෙත් නැහැ, අනිත් එක කොච්චර ලේසිද. ඒ උනත්, බයික් එකක කීයක් දීලා ගත්තත් වැස්සට තෙමෙන්න ඕන. ඒ බයික් එක බජාජ් උනත්, හාලි ඩෙව්ඩිසන් උනත්. වැස්ස දවසට ගෑනුළමයට බස් එකේ යන්න කිව්වම ඉතින් මූණ සතේ සයිස් එකට හැකිලෙනවා. කොච්චර උනත් ගැහැනු ළමයි තමන්ගේ කෙනෙක් එක්ක යනකොට ආරක්ෂයි කියලා හිතනවානේ.. ඒ නිසා වෙන්න ඇති නේද.?? ඉතින් එහෙම වැස්ස දවස්වලට මොබයිල් ෆෝන් එකයි, පර්ස් එකයි සිලිං බෑග් එකක ඔතාගෙන ෂර්ට් එක අස්සෙ දාගෙනනේ යන්නෙ තෙමෙයි කියලා.
ඔන්න ඔහොමයි ඒ කාලේ.

ඊට පස්සේ කොහොමහරි හොඳකට හෝ නරකකට (මමනම් හිතන්නේ කොයිදේ වෙන්නෙත් හොඳකටයි කියලා) රට යන්න චාන්ස් එකක් ආවා. ඒ තමයි දැන් ඉන්න සව්දි අරාබියට. ඒ දිනය 2006.06.18. එදා ඉරිදා දවසක්. එදත් හොඳටම වැස්ස. එදා දවසේ උදේ තමයි වැඩකරපු ආයතනයට මම පාවිච්චි කරපු බයික් එක බාරදෙන්න ගියේ. එදානම් හොඳටම තෙමුනා, බයික් එක ලෙස්සල දෙපාරක් වැටෙන්නත් ගියා. එදා තමයි අවසන් වරට මතක හිටින නෑමක් නැවේ.

මෙහෙනම් (සව්දි අරාබියේ) ඉතින් වැස්ස නැහැනේ. නොවැම්බර් මාසේ ටිකක් වහිනවා. ආපහු ජනවාරි මාසේ ටිකක් වහිනවා. මම කලින් හිටියේ දමාම් නගරේ. එහෙටනම් ටිකක් හොඳට වැස්සා ඒ 2006 අවුරුද්දේ අන්තිමට. ඒ තමයි මෙහෙදී වැස්සේ අන්තිමට නාපු නෑම. හැබැයි වැඩිය තෙමෙන්න බැහැ, අසනීප ෂුවර් තමයි. ඒ වගේම අසනීප උනාම හොයන්න බලන්නත් කෙනෙක් නැතිනිසා බයයි. ඒ වගේම වැහි බින්දුව රුපියල් 2 සයිස් එකෙන්, රුපියල් 5හේ බරට වැටෙන්නේ. ඇගට අනිනවා වගෙයි මෙහෙ වැහි බින්දූ.. ඒ වගේම මාර සීතලයි. සව්දි මිනිස්සුනම් වැස්ස පටන් ගත්තම ටක් ගාලා කාන්තාරේ පැත්තට යනවා ටිකක් තෙමිලා, බාබකිව් පාරක් එහෙම දාගෙන, පොඩි ආතල් එකක් ගන්න. (මෙහේ ආතල් වල බෝතල් නැත.).

ඊට පස්සේ 2007 දී රියාද් නගරෙට ආවා. මෙහෙට ආවට පස්සෙනම් හොඳ මෝර සූරන වැස්සක්නම් දැක්කේ නැහැ. ඒත් දැන් මාසෙකට උඩදි පොඩි වැස්සක් වැස්සා ඒත් තෙමෙන්න චාන්ස් එකක් ලැබුනේ නැහැ. වැස්සේ ඔෆිස් හවර්ස් වල නිසා :)

ඔන්න ඔහොමයි මගේ ජීවිතේට වැස්ස සම්බන්ධ වෙන්නෙ.. මොනවා උනත් තාම වැස්සෙන් පීඩාවක් වෙලා නැහැ ගෙදරට ටිකක් ගංවතුර දානවා හැරෙන්න. :( (ඒකත් අපිට ජොලියක්නේ පොඩි කාලේ. දැන්නම් ටිකක් අප්සෙට්)

මේක තමයි මගේ වැස්සේ කතා වස්තුව. තව ලියන්න පුලුවන් රසබර තැන් තියෙනවා. ඒත් ඉතින් දැන්නම් ලියන්න ටිකක් වෙලාව මදි. ආයේ පස්සෙ වෙලාවක, නින්ද නොයන දවසක අකුරු කරන්නම්. ලියන්නනම් ඕන තරම් දේවල් තියෙනවා වැස්ස ගැන. කොයි කාලේ මොන දේ උනත් ඉස්කෝලේ ජීවිතේ කරපු කියපු දේවල්නම් අමතක වෙන්නෙම නැහැ. ඒ වගේම ඒ වගේ කාලයක් ආයෙත් කෝටියක් දුන්නත් ගන්නත් බැහැ. ඒ කාලේ මල් 7 x 7 යි. :) :) :) :*

දැහැටි කූරු ගැන ඔබ දන්නවාද??

2008-11-30T13:25:00.003+05:30

මිස්වාක් (දැහැටි කූරු). සමහර විට ඔබ අහල දැකලා ඇති. දැකලා නැත්නම් මෙන්න බලන්න.

බොහෝ මුස්ලිම් අයගේ අතේ රැදිලා තියෙන දෙයක් තමයි මේ දැහැටි කූරු. ලංකාවේ වැඩියෙන් දකින්නට නොලැබුනත් මැදපෙරදිග අයනම් ගොඩක් වෙලාවට පාවිච්චි කරන දෙයක් තමයි මේ දැහැටි කූරු. මේක පාව්ච්චිකරන්නේ නම් දත් මැදීම සදහා.

මේ දැහැටි කූරු ලබාගන්නේ නම් “අරක්” නමින් හදුන්වන ශාකයක මුල් වලින්. මෙම ශාකයට අයත් විද්‍යාත්මක නම තමයි “සැල්වදෝරා පර්සිකා”. මෙම ශාකය සව්දි අරාබියාව, සුඩානය, දකුණු ඊජිප්තුව, චැඩ් සහ උතුරු ඉන්දියාවේදී දකින්නට හැකියි.

ඉතින් මේ කියන්න යන්නේ මේ මිස්වාක් (දැහැටි කූරු) පාවිච්චි කිරිම නිසා ඇතිවන හොඳ වෙනස් වීම් ටිකක්. මේ පිළිබධව සව්දි අරාබියේ “කිං සව්ද්” සරසවියේ දන්ත වෛද්‍යවරුන් දිර්ඝකාලින පරික්ෂාවකින් පසු සොයාගෙන තියෙනවා මම දැහැටි කූරු වල ඉතාමත් වටින ඖෂධ වර්ග සහ සංඝටක 19 තිබෙන බව.

ක්ෂුද්‍ර ජීවීන් සහ ස්වභාවික විශබීජනාශකයන්ගෙන් සමන්විත මෙම දැහැටි කූරු වල ටැටනික් අම්ලයත් අන්තර්ගතයි. මෙම ටැටනික් අම්ලය විවිධ විදුරුමස් රෝග නිවාරණය සඳහා උපකාරි වෙයි. එමෙන්ම සුවඳතෙල්ද එහි අඩංගු නිසා මුඛය සුගන්ධයෙන් පුරවයි.

තවද දන්තාලේප නිපදවීම සඳහා යොදාගන්නා සෝඩියම් බයිකාබනේට් පවා මෙම දැහැටි කූරුවල පවති.

1986 දී ලෝක සෞඛ්‍ය සංවිධානය පවා මෙම මිස්වාක් හෙවත් දැහැටි කූරු පාවිච්චිය අනුමතකර තිබෙන්නේ මෙහි ඇති අන්තර්ගතයත් එයින් ලැබිය හැකි දන්ත සෞඛ්‍යයත් ගැන මනා අවබෝධයක් ඇතිවයි.

සමහර රටවල මෙම මිස්වාක් විවිධ රසකාරකයන් එක්කර විවිධ ලෙස අසුරා වෙළඳපලට යවන අතර මෙම මිස්වාක් වැඩිපුර දැකිය නොහැකි මොරොක්කෝ වැනි රටවල්වල “බාර්ක්” නම් වු ශාකයේ මුල් යොදාගන්න අතර දකුණු ඉන්දියාවේ හා ලංකාවේ කොහොඹ ශාකයේ අතු යොදාගනි.

මෙම මිස්වාක් දිර්ඝකාලයක් පාවිච්චි කිරිම මගින් මුඛ සෞඛ්‍යයත් එමෙන්ම රස ග්‍රන්ථිහි හොඳ පැවැත්මත්, මතක ශක්තිය වර්ධනය වීමත්, නිතර ඇතිවන හිස රුදාව නැති වීමත්, කතාකිරිමේදි වචනයන් හී පැහැදිලි උච්චාරණයත් ඇති කරයි. තවද ඇස් පෙනිම හොඳ තත්වයෙන් පවත්වා ගැනිම සදහාත් මෙය උපකාරි වන බව මෙම පරික්ෂණ කණ්ඩායම පවසනවා.

ඔබටත් හිතෙනවනම් පාවිච්චි කරන්න, ටිකක් හොයලා බලන්න ලංකාවෙත් මිලදි ගන්න පුලුවන්. ලොකු මුදලක් වැය කරන්න ඕන වෙන්නෙත් නැහැ.

"අරක්" ශාකය

අන්තර්ජාලය ඇසුරෙන් පරිවර්තනය කර සකස් කරන ලදී෴

බලන්න මේ නියොන්ලයිට් වැඩකිඩ... මල් හතයිනේ.

2008-11-29T15:01:00.003+05:30

එඩ්නා වැටිම සහ නැගිටීම

2008-11-29T14:32:00.002+05:30

එඩ්නා…. මේ නම ඇහැව්වම මතක් වෙන්නෙම මෙලමයින් නේද?? :) මොකද අපේ මීඩියා කට්ටිය අමිඩියා වෙන්නම දිගට හරහට බාල්දි ඇද්දේ, පිටු ගනන් නිව්ස් ලිවේ එඩ්නාවල මෙලමයින් තියෙනවා කියලනේ. ඔන්න ඒ හැම කුණුකතාවක්ම බොරු කරගෙන එඩ්නා බඩු ෂුවර් කියලා පර්යේෂණ ආයතන / කණ්ඩායම් තහවුරු කරලා තියෙනවා.

මට මේක බ්ලොග් සටහනට එකතු කරන්නේ එඩ්නා වලට ඇඩ් එකක් දෙන්න නෙවෙයි. ඒත් මට මේ ගැන ලියන්න හිතුනේ මේ ආයතනය වට්ටන්න සමහර මාධ්‍යකරුවන්ටයි, සමහර නිලධාරින්ටයි තිබුනු උනන්දුව ඒ අයගේ නිශ්පාදන මෙලමයින් රහිතයි කියලා ඔප්පුවුනාට පස්සේ ඒ නිශ්පාදනයන්ට වෙළඳපලතුල නැවතත් තමන්ගේ කීර්තිනාමය නංවාගන්න සැලකියයුතු උපකාරයක් නොවුනු නිසයි.

වැරදි හොයන්නනම් අය ඕන තරම්, ඒත් වැරැද්ද නිවැරදි වුනාම කතාකරන්න කව්රුත් නැහැ. ලංකාවේ එහෙම තමයි, අයි ඩොන්ට් නෝ වයි????

බොම්මායි මුටයි, දිගටම කයි.

2008-11-27T15:11:00.002+05:30

නොවැම්බර් 26 සහ 27 දිනයන් කොටි හිතවාදින්ට මෙන්ම සමහරක් ඉන්දියන් ජාතිකයින්ටත් වැදගත් දිනයක්. කොටියන්ව වීරයන්මෙන් හිතාගෙන ඉන්න අයට ඉතින් මේ දවස් දෙක ගොඩාක් වැදගත්නේ. ඒ නමුත් ඔන්න දැන් ඉන්දියාවට නොවැම්බර් 26 සහ 27 අමතක නොවෙන්න තවත් හේතුවක් තියෙනවා. ඒ තමයි මුම්බායි (පෙර බොම්බාය) නගරයේ ස්ථාන 7ක සිදුවු ප්‍රහාර.

"ඩෙකන් මුජාහිදින්" ත්‍රස්ත ව්‍යාපාරය මෙම ප්‍රහාරයේ අයිතිය භාරගෙන ඇති අතර තවත් මාධ්‍ය සදහන් කරන්නේ මේ පිටුපස හින්දු අන්තවාදින් සිටින බවත් ප්‍රහාරය එල්ල කල පසු වෙනත් නම් භාවිතා කර එහි අපවාදය වෙනත් අයට පටවන බවත්ය.
කෙසේ නමුත් මෙම වෙඩි ප්‍රහාරයන්ගෙන් හා බොම්බ පිපිරීම මගින් මිනිස් ජීවිත 100 අධික සංඛ්‍යාවක් විනාශවූ බවත් තවත් දෙසීයකට අධික සංඛ්‍යාවකට තුවාල ලැබු බවත්, පැය ගණනාවක් වෙඩි හුවමාරු සිදුවු බවත් සඳහන්.

ඉන්දියාවේ වානිජ අගනගරයවු මොම්බායේ සිදුවු ප්‍රහාරය රෝ ඇතුලු ඉන්දියානු බුද්ධි අංශයන්හි අගය 0 ටම දමා ඇති අතර. මෙම ඔත්තු සේවා ලංකාව ගැන සොයා බැලිමට ඇති කැක්කුම තම රට වෙනුවෙන් කැප කර නැති බවත් කිව යුතුමය.

කෙසේ වෙතත් එල්.ටි.ටී.ඊ එකට උඩගෙඩි දෙන්න දඟලන ඉන්දියානුවන්ටනම් හොඳ පාඩම්. තමන්ගේ ගෙදර ප්‍රශ්න තියෙද්දී මොකට අහල පහල ගෙවල් වලට යනවද???.

ත්‍රස්තවාදයේ කුරිරුකම දැනගන්න ඉන්දීයානුවන්ට මේක හොඳ අවස්ථාවක්. බලමු මේකෙන්වත් පාඩමක් ඉගෙන ගෙන ලංකාවට හොට නොදා ඉඳිද කියල.

මෙන්න ප්‍රහාරයේ ඡායාරූප.

අළුත්ම අළුත් පිට්ටු වර්ගයක් දැන් රියෝ හිදි. :)

2008-11-27T10:48:00.002+05:30

මෙන්න තවත් බඩුම තමා පින්තූරයක්. :)

බල්ලන්ට පොරකන්න තවත් එක් හේතුවක්....

2008-11-26T17:30:00.002+05:30

කොල්ලො අතර ප්‍රශ්න ඇතිවන්නෙත් මේ නිසයි... හික් හීක්ක්.... :)

බඩුම තමා....

2008-11-25T16:54:00.005+05:30

බලන්නකෝ පහල තියෙන ඩයලොග් ඉල්ලුම්පත්‍රය.

විහිළුවට පුරවපු එකක්ද දන්නේ නැහැ... ඒත් බැලුවමනම් එහෙම පේන්නෙත් නැහැ.

හැබැයි මෙහෙම හැම සිංහල වචනම ඉංග්‍රිසියට මාරු කරන්න ගියොත්නම්....බඩුම තමා...

හරවලම බලන්නකො ගම් නගරවල නම් ටිකක් :)

(වැඩි දෙනාගේ ඉල්ලීම මත සහ දැක්වු කරුණු කාරණා මත මෙම බ්ලොග් සටහන ඉවත් කරන ලදි. කරුණු කාරණා දැන්වු අයට බොහෝම ස්තුතියි.)

"අපි ශ්‍රි ලංකා" සංගිත ප්‍රසංගය දමාම් නගරයේදී෴

2008-11-24T13:00:00.002+05:30

පටන්ගත් දිනම වසන්නට වුනු Europeana

2008-11-22T15:26:00.003+05:30

යුරෝපීය සංස්කෘතික උරුමය විදහාදැක්වීම සඳහා ආරම්භ කරන ලද යුරෝපානා වෙබ් අඩවිය පටන්ගත් දිනම පැය කිහිපයක් තුල වසා දැමිමට සිදුවූයේ මෙම වෙබ් අඩවියට පැමිනෙන්නන්ගේ සංඛ්‍යාව පැයකට මිලියන 10 ක් වීම නිසා. වසර දෙකකට පෙර ආරම්භ කරන ලද මෙම ව්‍යාපෘතිය ආරම්භකර පැය කිහිපයකින් වසාදැමිමට සිදුවීම නිශ්පාදකයන් කිසිවිටකත් බලාපොරොත්තුවුවක් නොවෙයි. මිලියන දෙකක් වු අයිතමයන් ඩිජිටල් කරනය කර යුරෝපියානු රටවල් අතර සංස්කෘතික උරුමයන් මුහු කිරිම සඳහා ඔවුන්ගත් මෙම උත්සහාය නැවත දෙසැම්බර් මස මැදදී අන්තර්ජාලයට මුදාහැරීමට නියමිතයි.

ඩිජිටල් පුස්තකාලයක්, කෞතුකාගාරයක් සහ ලේඛනාගාරයක් ලෙස තමයි මෙම අඩවිය ක්‍රියාත්මක වෙන්නේ. යුරෝපයේ භාවිතාවන සියළුම භාෂා මගින් මෙම අඩවිය බල ගැන්වෙන අතර මෙය යුරෝපීය කොමිසමේ ව්‍යාපෘතියකි.

යුරෝපානා වෙබ් අඩවිය : http://www.europeana.eu/portal/

සැබැවින්ම ඔහු වාසනාවන්තයෙකි.

2008-11-19T15:34:00.006+05:30

පිංතූර ටික බලලා ඊට පස්සේ කියවන්න.

මෙහි සිටින මනාලයා ඇමරිකානු නාවුක සෙබලෙකු වු ටයිලර් සීගල්. ඇමරිකාව විසින් ඉරාකයේ දියත් කරනලද මෙහෙයුමේදි මරාගැන මැරෙන බෝම්බ ප්‍රහාරයකට ලක්වීමෙන් තුවාල සිදුවූවෙක්. ප්‍රහාරයේදී ට්‍රක් රථයක්තුල සිරවීමත් එම ට්‍රක් රථය අධික උණුසුමට ලක්වීමත් නිසා මුහුණේ මාංශපේශි දියවි ගොස්. මාස 18 ක ප්‍රතිකාරයන්ගෙන් පසු ඔහු විවාහවුනේ ඔහු අනතුරට පත්වීමටත් පෙර ඔහු සමග සිටි පෙම්වතිය සමග. ඇය රෙනී ක්ලීන්. ඉතාම සුළු ප්‍රශ්නවලට පවා වෙන්වීම්, මරාගැනීම්, දික්කසාද කිරිම් සිදුවන ලොවක තම විරූපීවු පෙම්වතාගේ දුකේදීත් සැපේදීත් එකට සිටිමට ඇයගත් තීරණය ඉතාමත් අගය කල යුත්තකි.

ඇය මිලියනයකින් කෙනෙක් නොවන්නේද???

නොවැම්බර් 18 වන දින සමුදුර පුවත්පතිනුත් මේ සම්බන්ධව ලිපියක් පල කර ඇත.
ඇමුණුම බලන්න.

ඉලක්කම් - අරාබියෙන්

2008-11-18T18:21:00.003+05:30

එක ( 1 ) - වාහිද්

දෙක ( 2 ) - ඉත්නීන්

තුන ( 3 ) - තලාතා

හතර ( 4 ) - අර්බා

පහ ( 5 ) - කම්සා

හය ( 6 ) - සිත්තා

හත ( 7 ) - සබා

අට ( 8 ) - තමානියා

නවය ( 9 ) - තිස්සා

දහය ( 10 ) - අෂරා

විස්ස ( 20 ) - අෂ්‍රීන්

සීයය ( 100 ) - මියා

දාහ ( 1000 ) - අල්ෆ්

එන්න අරාබි ටිකක් ඉගෙන ගන්න.

2008-11-18T18:14:00.003+05:30

අස්සලාමු අලෙයිකුම් - ඔබට සාමය උදා වේවා

වාලෙයිකුම් සලාම් - ඔබටද සාමය උදා වේවා

මර්හබා - හෙලෝ

කෙයිෆ් හාලක් ? - ඔබට කොහොමද ?

සෙzයින් - හොඳයි

ෂුක්‍රන් - බොහොම ස්තුතියි

මින් ෆද්ලක් - කරුණාකර

මා සලාමා - (නික්මයාමේදි) ආයුබෝවන්

නාම් - ඔව්

ලා - නැහැ

හාදා - මේක

කම් - කීයද

ලෙෂ් ෆී - මොකක්ද කාරණාව / මොකද උනේ

යමීන් - දකුණු පැත්ත / දකුණ

යස්සාර් - වම් පැත්ත / වම

අලාතූල් - දිගටම / කෙලින්ම

ඉම්ෂි - යන්න

තාල් - එන්න

කෆ් - නවතින්න / නවතිනු

මාෆි - මොකුත් නැහැ / නැහැ

ෂූෆ් - බලන්න

කලාස් - ඉවරයි

අතෘප්තිමත් පාරිභෝගිකයා..... :)

2008-11-18T13:04:00.002+05:30

ඔබට මොකද හිතෙන්නේ....

අහිංසක විදියට ලොකු දෙයක් සමාජයට කියලා දෙන්න හදන උත්සහයක් කියලයි මට හිතෙන්නේ...

අපේ අයගේ අයිඩියාස් හා..... :)

ප්‍රවේශම් වන්න -- සව්දි අරාබියාවේ රියාද් නගරයේ සේවය කරන ලාංකිකයන්ට පුංචි පණිවිඩයක්.

2008-11-18T12:50:00.002+05:30

රියාද් හි බතා නගරයේ පසුගිය දිනක සිදුවු මිනිමැරුමකින් (ව්‍යාපාර හේතු මත ඉන්දියානුවෙකු විසින් ඉන්දියානුවෙකුගේ ගෙල කපා මරා දමා ඇත) පසු බතා නගරයේ පොලිස් සහ කම්කරු දෙපාර්තමේන්තුව ( ජවසාත් ) ඒකාබද්ධව මහා පරිමාණයෙන් නගරය තුල පරික්‍ෂා කිරිම් ආරම්භකර ඇත. ඉකාමා (අකාමා) පරික්‍ෂා කිරිමට අමතරව වාහනයන්හි බලපත්‍ර පරික්ෂා කිරිමත් ඊට අමතරව ජංගම දුරකථන ආදිය පරික්ෂා කිරිමත් සිදුවන අතර බතා නගරය තුල නිකරුනේ ගැවසීම අහක යන ප්‍රශ්න තමන් වෙත ඉල්ලා ගැනිමකි. අපරාධක් සිදුවන සෑම අවස්ථාවකම මෙවැනි පරික්ෂා කිරිම් සිදුකිරිම සාමාන්‍ය දෙයක් වන අතර අනවශ්‍ය ලෙස ලාංකිකයන් මෙයට අසුවී වැරදි කරුවන් වීම ඛේදවාචකයකි.

(පසුවදන : සැලකිය යුතු ශ්‍රි ලාංකිකයින් පිරිසක් වීසා සහ රැකියා බලපත් නොමැතිව රියාද් සහ ජෙඩා නගරය තුල සේවය කරයි. ජිවිතය පිළිබඳව අඩු තක්සේරුවක් නොකර හා අවදානමක් නොගෙන මෙම රටින් පිටවීම යහපත් වන අතර පොලිසියට අසුවීම සහ ඔවුන්ගෙන් බේරිමට උත්සහ කිරිම කළුගලේ ඔළුව ගසා ගැනිමක් වැනිය.)

ඩුබායි මහාමාර්ග සඳහා රේඩාර් කැමරා පද්ධති.

2008-11-18T12:21:00.003+05:30

දන්නවාද???? දැන් ඩුබායි මාර්ගයන්හි flash light නොමැතිව ක්‍රියා කරන කැමරා පද්ධති සවිකර ඇතිබව.

අල්ට්‍රා ලයිට් තාක්ෂණයෙන් ඕනෑම අඳුරු පරිසරයක් තුල පිංතූර ගතහැකි කැමරා පද්ධති තමයි සවිකර තිබෙන්නේ. බැලු බැල්මට පරණ වුත්, ක්‍රියා නොකරන ලෙසත් පෙනෙන මෙම කැමරා වාහනයක සවිකර ඇති අංක තහඩුව ඉතා හොඳින් පිංතූර ගත කරන ලෙසයි සකසා තිබෙන්නේ. මෙම කැමරා දෙකක් මාර්ගයේ තෝරාගත් යම් නිශ්චිත දුරක් තුල ස්ථාපනය කර ඒ එක් එක් කැමරා අතර ගමන් කිරිම (කිමි 3-5 අතර) සඳහා වාහනයක් ගන්නා කාලය ගනනය කරනු ලබනවා. ඒ ඒ මාර්ගයේ වේග සීමා අනුව එම වාහනය ගමන් ගන්නේද යන්න එයින් ගනනය කරනු ලබන අතර තවත් දුරකින් පිහිටා ඇති තුන්වන කැමරාව මගින් එම වාහනය තව දුරටත් එම වේගයෙන් ගමන් කරන්නේද යන්න නිශ්චය කර එම වාහනයට අදාල දඩ මුදල නිර්නය කරනු ලබනවා.

අධිතාක්ෂණයෙන් යුත් රේඩාර් කැමරා ස්ථාපනයට වඩා මෙම ක්‍රමය සාර්ථක සහ ලාබදායි බවයි ඩුබායි පාලනාධිකාරිය පවසන්නේ.

ඔබටත් දඩ කොලයක් තිබේදැයි බලාගන්න පිවිසෙන්න ඩුබායි රථවාහන පොලිසියේ වෙබ් අඩවියට.

මෙන්න අඩවි ලිපිනය : http://www.dubaipolice.gov.ae/dp/englis ... isEng=true

තොරතුරු : අන්තර්ජාලය ඇසුරෙනි.

මැද පෙරදිග සිට අඩුමිලට ලංකාවට දුරකථන ඇමතුම්....

2008-11-17T15:21:00.006+05:30

හුඟ කාලෙකින් ලිව්වේ නැති නිසා හිතුනා මොනවා හරි ලියන්න ඕන කියලා. ලියන්න තරම් විශේෂ සිදුවීම් නම් මෙහෙදි අත්විදින්න සිද්ධ වෙනවා අඩුයි. මොකද මම මගේ පාඩුවේ ඉන්න මිනිහා නේ… කොහොම නමුත් අද කියන්න යන්නේ මැදපෙරදිග සේවය කරන අයට ලංකාවට කතා කරන්න පුලුවන් අඩු වියදම් ක්‍රමයක් ගැන. සාමාන්‍ය දුරකතන ගාස්තුවනම් ටිකක් විතර වැඩියිනේ. ජංගම දුරකතනයකින් ගන්නවනම් විනාඩියට රියාල් 2.30 වගේ (ලංකාවේ මුදලින් රුපියල් 65.00 විතර). සමහර දුරකතන ආයතන අන්තර්ජාතික දුර ඇමතුම් අංක 2 පමණක් විශේෂ වට්ටමක් ලබාදෙනවා. වට්ටමක් දීලත් මිල විනාඩියකට රියාල් 1.70 (ලංකාවේ මුදලින් රුපියල් 48.00 විතර).

කොහොම නමුත් මේ කියන්න යන විදියනම් ගොඩක් ලාබදායකයි. මමත් දැන් පාවිච්චි කරන්නෙ මේකයි. මේකේ නම 12voip තවත් මෙවැනිම සේවා සපයන අඩවි තියෙනවා. (intervoip, voicewoip වගේ) ඒත් මේ 12වොයිප් කියන එක තමයි ලාබම. මේකෙදි වැයවන්නේ රියාල් සත 30 වගේ මුදලක් (ලංකාවේ මුදලින් රුපියල් 8.50 :) ). කොච්චර ලාබද නේ. හැබැයි කොස්සක් තියෙනවා. ඒ තමයි පරිගණකයකුයි, අන්තර්ජාල පහසුකමුයි තියෙන එක. ඒකත් ලේසි වෙනවා ඔබ ඉන්නේ නගරාශ්‍රිත ප්‍රදේශයකනම්. මොකද හැම තැනම ඉන්ටර්නෙට් කැෆේ පිරිලා. සව්දිවලනම් ඉන්නනෙට් කැෆේ එකකට අය කරන මුදල ගොඩක් සාධාරණයි. (වෙනත් මැදපෙරදිග රටවලනම් ගනන් මම දන්නේ නැත) පැයකට රියාල් 3.00 – 5.00 දක්වා තමයි අය කරන්නේ අධිවේගි අන්තර්ජාල සේවයටත්.

ඔබට කරන්න තියෙන්නේ www.12voip.com අඩවියට ගිහිල්ලා මේකේ මෘදුකාංගය බාගත කරගන්න එක. ඊට පස්සේ එක ඉන්ස්ටෝල් කරගෙන ඒකෙන්ම account එකක් හදා ගන්න ඕන. ඊටත් පස්සේ තව කොස්සක් තියෙනවා. ඒ තමයි ඒකට credit දාන්නේ කොහොමද කියන එක. ඒකට කරන්න තියෙන්නෙ ඉන්දියන් (මෙයාල තමයි වැඩි හරියක්ම ඒජන්තයො විදියට ඉන්නේ) අය ඉන්න ඉන්ටනෙට් කැෆේ එකකට ගිහිල්ල අහන එක එයාල ලඟ 12වොයිප් කාර්ඩ් තියෙනවද කියලා. එයාල ලඟ නැත්නම් එයාලගෙන්ම අහල දැන ගන්න පුලුවන් කොහෙන්ද ගන්න පුලුවන් කියලා. නැත්නම් 12වොයිප් වෙබ් අඩවියේම තියෙනවා resellers ලගේ විස්තර. මමනම් ජෙඩා නගරයේ (මම ඉන්නේ රියාද් නගරයේ) ඉන්න ඉන්දියන් බුවක්ට කියලා තමයි credits දා ගන්නේ. මම කරන්නේ එයාගේ බැංකු ගිණුමට සල්ලි බැර කරලා එයාට ඒ ගැන දැනුම් දෙන එක. එතකොට එයා පැය 2 ඇතුලත මගේ වොයිප් ගිනුම අලුත් කරනවා… ටිකක් risky වැඩක්. මොකද සල්ලි අරන් මාරු උනොත්. ඒත් යමක් ලබන්න යමක් කැප කරන්න එපැයි. අනිත් එක ඉතින් විශ්වාසේ තමයි.

අනිත් එක තමයි මේකේ මිල ගනන්. යුරෝ 5.00 මිල වටින කාඩ්පතක් රියාල් 45.00 – 55.00 අතර වෙනවා. යුරෝ 10.00 වටින කාඩ්පතක් රියාල් 70.00 – 85.00 අතර වෙනවා. (මේකේ මිල වෙනස් වෙන්නෙ ඉල්ලුම සැපයුම අනුව සහ විනිමය අනුපාත වෙනස් වීම මත)

ඒ වගේම තවත් සමහර රටවලට (ඇමරිකාව, එංගලන්තය, ඔස්ට්‍රලියාව, නවසීලන්තය වැනි රටවලට) නොමිලේම කතා කරන්නත් පුලුවන්.

මේක කියන්න යන වේලාවට වඩා කරන්න යන වේලාව බොහොම සුළුයි. ඒ නිසා උත්සහ කරලම බලන්න.

මෙන්න තව දැනගන්න ඕනනම් විස්තර.

මොකක්ද 12voip කියන්නේ - http://www.12voip.com/en/whatis12voip.html
මිල ගනන් - http://www.12voip.com/en/calling-rates.html

උදව්වක් එහෙම ඕනනම් කතා කරන්න, නැත්නම් මට විද්‍යුත් තැපැලක් දාන්න, දන්න දෙයක් කියලා දෙන්නම්. හැබැයි ඔන්න මම මේ 12voip ඒජන්තයෙක් නම් නෙමෙයි හොදේ.

055 6501825 - සව්දි අරාබියාව
ඊ මේල් : mhjunaideen@gmail.com

මැදපෙරදිග උස කුළුණු උන්මාදය

2008-03-17T19:40:00.004+05:30

ලොව උසම කුලුන ජෙඩා නගරයේ ඉදිකිරීමට සවුදි අරාබිය සැරසෙයි෴

අඩි 5249 ක් උස ලෝකයේ උසම කුලුන සෞදි අරාබියාවේ ජෙඩා නුවර තැනීම සඳහා දැනට මූලික කටයුතු කෙරෙමින් පවතී. එහි කටයුතු නිමවූ විට දැනට කුවේට් හා ඩුබායි නගරවල පිහිටා ඇති උස් කුලුනු සියල්ල අභිබවා යනු ඇත.

“නිව්යෝර්ක් ප‍්‍රීඩම් ටවර්” කුළුන ඇතුලු අලුතින් තනාගෙනයනු ලබන නව නිර්මාණ කිසිවක් අඩි 2296 උස ඉක්මවා නොයනු ඇත.

සවුදි කෝටිපති, අල්වලිඩ්බින් තලාල් කුමරුගේ පාලනය යටතේ පවතින කිංඩම් හෝල්ඩින් සමාගම විසින් ලඟදී නව ගොඩනැගිල්ල තැනීම සඳහා ටෙන්ඩර් කැඳවනු ඇතැයි අපේක්ෂා කෙරේ. (මීට පෙර වාර්තා තැබු “කිංඩම් ටවර්” නම්වු ගල්ෆ් කලාපයේ උසම කුලුනද මෙම කිංඩම් හොල්ඩින්ස් සමාගමේ නිමවුමකි.)

මෙම ව්‍යාපෘතිය සඳහා ඇස්තමේන්තුගත පිරිවැය බිලියන 10 කි. අමෙරිකානු ඉංජිනේරු බලවතා වශයෙන් ප‍්‍රකට බැක්ටෙල් ඉදිකිරීම් කළමනාකරු වශයෙන්ද, සෞදි සමාගමක් වන ඔම්රානියා ගෘහනිර්මාණ ශිල්පීහු ලෙසද කටයුතු කරති.

මේ අතර අරාබි සාහිත්‍යයේ “1001 රාති‍්‍රය” නිරූපනය වන අයුරින් මීටර් 1001 (අඩි 3284) උසැති කුලුනක් තැනීමට කුවේට් දේශය සැලසුම් කරමින් සිටී.

එය අපේක්ෂිත පරිදි 2030 දි නිමවූ විට ඒතුල 750,000 දෙනෙකුට පදිංචිවීමට හැකිවනු ඇතැයි විශ්වාස කෙරේ. මෙතෙක් ලෝකයේ උසම කුලුන වශයෙන් සැලකුණු තායිවාන් 101 කුලුන අභිබවා අඩි 1680 ක් උස බාර්ජ් ඩුබායි ඉදිරියෙන් සිටී.

"කිංඩම් ටවර්" ගොඩනැගිල්ල

වාර්තාවට හිමිකම් කියන ගොඩනැගිල්ල නිමවුමෙන් පසු දිස්වෙන ආකාරය

2008 වසර අවසන් වන විට විදේශිකයන්ගේ බැලමෙහෙවර සඳහා කාන්තාවන් යැවීම නතර කල යුතුයි.

2008-03-13T14:27:00.003+05:30

* ජනාධිපතිවරයාගෙන් විදේශ රැකියා අමාත්‍යංශයට උපදෙස්

(පුවතක්)

ඇත්තෙන්ම මේකනම් බොහෝම කාලෝචිත තීරණයක්. හැබැයි තමන්ගේ බිරිඳව, මවව, සහොදරියව පිටරට යවල පිංබත් ගිලින අයටනම් බොහොම නරක ආරංචියක් වෙනවාට කිසිම සැකයක් නැහැ. ඒ වගේම විදේශගත ශ්‍රි ලාංකිකයන්ගෙන් ගසාකන විදේශසේවා නියුක්ති කාරයාල නිලධාරින්, රේගු නිලධාරින්, ගුවන්තොට නිලධාරින් සහ වෙනත් නිලධාරින් ඇතුලු පාදඩ වැඩකරලා හම්බකරන අයටනම් මේක එච්චර සුබ පුවතක්නම් නෙමෙයි… කෙසේ වෙතත් පමාවෙලා හෝ මෙවැනී තිරණයක් ගැනීමනම් අගයකල යුතුම දෙයක්. අපට වඩා ආර්ථිකය අතින් අඩු රටවල් පවා තමන්ගේ රටේ කාන්තාවන් පිටරටවල බැල මෙහෙවරට යවන එක නවත්තලයි තියෙන්නේ.

දැනට මැද පෙරදිග සේවය කරන අයගේ යහපත වෙනුවෙන් තානාපති අංශ මීට වඩා කාර්යයක් කලයුතු බවයි බොහෝදෙනාගේ අදහස. මන්දයත් සව්දි අරාබියාවේ කෑම්ප්වල හරියට කෑමක් බීමක් නැතුව, අදින්න වස්ත්‍රයක් නැතිව, ලෙඩට දුකට බෙහෙත් ටිකක් ගන්න බැරිව අපේ ශ්‍රී ලාංකීක මව්වරුන්, සහෝදරියන් මැරි මැරි උපදින්නේ අපගේ තානාපති අංශ තමන්ගේ සේවාවන් හරියට ඉටු නොකිරීම නිසයි.

සව්දි අරාබිය තුල හොඳම තානාපති සේවාව සපයන රට යනුවෙන් දැනට නම් දරා සිටින්නේ පිලිපීන තානාපති අංශයයි. ඕනෑම පිලිපීන වැසියෙකුගේ ප්‍රශ්නයක් විසදීම සදහා එම තානාපති අංශය පැය 24ම සූදානමින්. ඒ නිසාවෙනුයි පිලිපීන ගෘහ සේවිකාවන් මෙන්ම අනෙක් සේවකයිනුත් ඉහල ආරක්ෂාවක් යටතේ ඔවුන්ට අයත් අයිතිවාසිකම් යටතේ සේවය කරන්නේ.

2008-03-11T14:28:00.004+05:30

කාලෙකින් ලිව්වේ නැහැ. ලියන්න හිතුනෙත් නැහැ. වේලාවක් තිබුනෙත් නැහැ J. පහුගිය දවස් ටිකේ ටිකක් වැඩ වැඩී. දවස් දෙක තුනක් නිවාඩු ගත්ත එකෙන් උනේ වැඩ ගොඩ ගැහෙන එක. හැබැයි වැඩ තියෙන තරමට හොඳයි. මොකද එතකොට දවස් ගෙවෙනවා තේරෙන්නේ නැහැනේ... නැත්නම් මේ රටේ ඉන්න එකත් එපා වෙනවා....

මහින්ද මාමා....

2008-02-21T13:17:00.003+05:30

මේක මට විද්‍යුත් තැපෑල හරහා ලැබුන එකක්... නරකම නැහැ නේද???......

අද කාලයට ගැලපෙනම කාටූනයක්.....

2008-02-17T14:39:00.002+05:30

උපුටා ගැනීම - ලංකා පුවත්පතිනි.

ආදරයෙන් මඟ බලා සිටිමි....

2008-02-16T19:46:00.006+05:30

ඔබේ සුරතෙහි සුමුදු පහසට

ජීවිතය තරමටම පෙම් බැඳ

ඔබේ කොපුලක සුවඳ ගන්නට

කල්පෙකින් දවසකදි ඉඩ ලද

ඔබේ ඉනවට සුරත දවටා

ඔබේ උණුසුම් සුව විද විද

එකම මොහොතක් ලංව ඉන්නට

ලොවට රහසින් කෙදින හැකිවෙද

------------------------------------------------------------------

සංකල්පනාච - එල්. එන්. පී. ඩී. එස්. (LNPDS)
සියළු හිමිකම් ඇවිරිණි.

ලාවන්‍යා දෙමළ නිසා විශාඛාවට නොගනි…

2008-02-16T14:07:00.004+05:30

පසුගිය සතියේ පත්තර වල මෙහෙම තිබුනා… ඇත්ත නැත්තනම් දන්නේ නැහැ.. හැබැයි බොරු වෙන්න බැහැ.. මොකද සිංහලයෙකු නොවන නිසාම මටත් ඔය වගේ අසාධාරණකම් මීට කලින් සිදුවෙලා තියෙන නිසා…

මේ සිදුවීම වෙලා තියෙන්නේ අධ්‍යාපන ඇමතිගේ නියෝගයකින්ලුනේ… හැබැයි ඔය ඇමති දැනගන්න ඕන ඔය කියන ඇමති පට්ටම ලැබුනේ තනි සිංහල සහයෝගයකින් නොවන බව. මොකද ඡන්දේ ඉල්ලන කොට දෙමළ ඡන්ද, මුස්ලිම් ඡන්ද එපා කියලා දන්නලා ඇමති වුනා නෙවෙයිනේ…

කොහොම නමුත් සිද්ධවෙලා තියෙන වැඩේනම් හරිම කැතයි… මහජන නියෝජිතයෝ / රටක වැදගත් පදවියක් දරන මේ මිනිස්සුන්ගේ මනස මෙහෙමනම් මෙයාල කොහොමද සාමන්‍ය ජනතාවගේ මොලේ හදන්නේ…

ශ්‍රි ලංකික ජනතාවගේ ඔළු ගෙඩි වලට ජාතිවාදය වැපුරු / වපුරන, ලංකාව තුල නොවිසදිය හැකි ප්‍රශ්න ඇතිකලාවු සියළු ජාතින්ට අයත් දේශපාලන නරුමයන්ට ශාප වේවා!!

සුළුතර සිංහල ජාතිවාදින් නිසා ලංකාව තුල ඊලාම්වාදින් හා ජිහාද්වාදින් බිහිවීම නතර කළ නොහැක.

එකතුවන්න, පෙළගැහෙන්න - ලංකාව එක රටක්, ජාතින් රැසකගෙන් සමන්විතවු.

පිළිගන්න - හැම මනුෂ්‍යයෙකුටම මේ පොලොවේ ජීවත්වීමේ අයිතිය ඇතිබව
ලෝකයටම ඒත්තු ගන්වන්න අපි සිහළුන්, දෙමළුන්, මුස්ලිම්වරුන් නොව ශ්‍රි ලාංකිකයන් බව… එවිට මේ ආසියාවේ කදුළු බිංදුව ආයෙත් ඉන්දියන් සාගරයේ මුතු ඇටය වේවී.

ලාවන්‍යා සම්බන්ධ වැඩිදුර තොරතුරු මෙම පුවත් මූලාශ්‍ර (සිංහලෙන්) තුලින් ලබා ගත හැක.

http://lankadissent.com/sinhala/allnews/2008_02_16_03_news.htm

http://www.lankaenews.com/Sinhala/news.php?id=4463

http://www.lankaenews.com/Sinhala/news.php?id=4449

happy wal+in+time (වැලntine) day !!!

2008-02-14T13:38:00.005+05:30

ඔන්න අද වැලන්ටයින් දිනය… වේලි වේලි ඉන්න මල්, සුභ පැතුම් පත් සහ සර්ව පිත්තල ආභරණ බිස්නස්කාරයන්ගේ මඩිය තරවෙන දවස. ආසියාතික රටවල තමයි මේ වැලන්ටයින් වලට අම්බානක පබ්ලිසිටි. මොකද ඉන්න තරමක් ඉන්නේ බටහිර දේ අගය කරන අයනේ…

ඔන්න ඔයාල දන්නවනේ මම ඉන්නේ සව්දි අරාබියේ කියලා… මෙහෙනම් අද දවසේ කිසිම මල් වෙළඳසැලක රතු රෝස විකුනන්න බැහැ. (හැබැයි කලින්න අරන් ශිතකරණෙ තියාගන්න අය ඕන තරම්.) ඒ වගේම කව්රු හරි පොදු ස්ථානයක රෝස මල් අතේ තියන් හිටියත් අත්අඩංගුවට අරන් හිරේ දානවා… ඔන්න ඔහොමයි මෙහේ නීති රීති. ඒකට අපේ….... @#%^%$&^&

අවංක ආදරෙන් ඉන්නවනම් හැමදාම වැලන්ටයින් තමයි මෙයා… ඕං කිව්වා…

පින්තූරය : ෆන්එල්කේ.කොම් වෙතින්

හොඳම 10

2008-02-11T13:30:00.001+05:30

1. AVG Anti-Virus Free Edition - ඒ.වි.ජි නොමිලේ ලබාදෙන ප්‍රතිවයිරස මෘදූකාංගය - පුද්ගලික පාවිච්චිය සඳහා නොමිලේ බාගත හැක.

2. Ad-Aware 2007 Free - ඇඩ් ඇවයාර් - සාමන්‍ය ප්‍රති-ස්පයිවෙයාරයක් නොවේ. නියම එකක් ලෙසයි වර්ග කර තිබෙන්නේ.

3. LimeWire - ලයිම්වයර් - ලොව වේගවත්ම පි2පි ගොනු හුවමාරු කරන මෘදූකාංගයකි.

4. ICQ - අයි.සි.කිව් 6 - නවතාවයකින් යුත් සන්නිවේදන අත්දැකීමකට

5. Avast Home Edition – ICSA සහ Checkmark සම්මත කල ප්‍රතිවයිරස මෘදූකාංගයකි

6. VersionTracker Pro - මෘදූකාංග සහ ඩ්‍රයිවර්ස් සදහා අවශ්‍ය අප්ඩේට්ස් ලබාදෙයි.

7. BitComet -වේගවත් සහ පහසු බාගත කිරිමක් සඳහා

8. WinZip - විශාල ධාරිතාවක් ඇති ගොනු හකුලාගැනීම සඳහා යොදා ගැනේ.

9. mIRC -වින්ඩෝස් චැට් සඳහා යොදා ගැනේ.

10. WinRAR -32-බිට් වින්ඩෝස් සංස්කරනයකි. වින්සිප් හා සමානව යොදා ගත හැකිය.

සැ. යු. : පරිවර්තනය කිරිමේදී වචනයන්හී සුළු සුළු වෙනස්වීම් සිදුවිය හැක. ඔබ යම් දෙයක වැරැද්දක් දකින්නේනම් නිවැරදි කරන්න. එය මම අගය කොට සලකමි.

කැළණිය කැම්පස් එකෙත්………

2008-02-10T17:54:00.001+05:30

කැළණිය කැම්පස් එකේ බුවාලා බුවීලා සෙට් එකක් ගහ ගත්තා කියන්නේ…

සමහර විට යුද්දෙට යන්න අවශය කරන පෙරහුරුවක්ද දන්නේ නැහැ…

අධ්‍යාපනය උනත් නිකන් දුන්නම ඔහොම තමයි කිසි අගයක් නැහැ. ඒකනේ පාඩම් වැඩ පාඩු කරන් දේශපාලනය කරන්න ගිහිල්ලා ගුටි ඇන ගන්නේ…

මොන්ටිසූරියේ ඉදන්ම සල්ලි ගන්න ඕන අධ්‍යාපනයට, එහෙම නැතුව අපේ අයව හදන්න බැහැ…

අනේ සි.ඩබ්.ඩබ්. කන්නන්ගර මැතිතුමා හිටියනම් මොනවා නොහිතෙයිද නේ ????

රාමා මානී ……

2008-02-10T16:05:00.000+05:30

මේ දවස්වල එහෙන් මෙහෙන් මේ නම ටිකක් ඇහුනා නේද ???

කවුද ?? මේ රාමා මානී

ඉන්දියානු සම්බවයක් ඇති ප්‍රංශ පුරවැස්සියක්.

ඇය ආචාර්‍යවරියක් (මැරවින් වගේ ගත්ත පට්ටමක්ද දන්නේ නැහැ…)
එමෙන්ම ජනවාර්ගික අධ්‍යයන කටයුතු පිලිබඳ ජාත්‍යන්තර ආයතනයේ විධායක අධ්‍යක්ෂිකාවක්

මැය මොනවද කලේ ??

ශ්‍රී ලංකාව තුළ දමිළ වැසියන් සමූල ඝාතනය කරන බවට විවිධ වාර්තා සකස් කර එම කරුණු එක්සත් ජාතීන්ගේ මානව හිමිකම් දර්ශකයට ඇතුලත් කිරීමට උත්සහ කිරීම

අපි මොනවද කලේ ??

දින නියම කරලා පිටුවහල් කිරීම (අද රෑ 12.00 (12.02.08 මධ්‍යම රාත්‍රි 12.00) පෙර යන්න තමයි දින නියම කරලා තියෙන්නේ. ගියේ නැත්නම් අත් අඩංගුවට ගැනිමට හැකිය )

මොනවද කල යුතුව තිබුනේ ??

මොන නීතියක් දාල හරි ලංකාවෙම හිර කරන්න. මොකද නැත්නම් ආයේ ඉන්න තැනක ඉදන් ලංකාවට බාල්දි පෙරලන්න බලයි.

එහෙම නැත්නම් කරන්න තියෙන්නෙ අර ඉස්සර වගේ සද්ද නැතිව නිශ්ශබ්ද කරන්න…

ශ්‍රි ලංකා 4x4 අභියෝගය

2008-02-06T14:53:00.001+05:30

මේ තියෙන්නේ මගේ හිතගත් 4X4 පින්තූර ටිකක්.
හ්ම්ම්.... ඇත්තටම ලස්සනයි......

පින්තූර - www.4x4.lk අන්තර්ජාල අඩවියෙන්

සමස්ත ලංකා බබා සංගමයේ ඉල්ලීම

2008-02-05T13:52:00.000+05:30

ප්‍රභාකරන් මාමාගෙන්
අපේ දූලා පුතාලා ඉල්ලන ඉල්ලීම.

සමස්ත ලංකා බබා සංගමයේ ඉල්ලීම පරිදි ප්‍රචාරණය කරන ලදී.

මා ගැන.... කෙටියෙන්

2008-02-04T18:53:00.000+05:30

මම නමින් මුහම්මද් හසන් ජුනෙයිඩීන්, දැනට විදේශගත ශ්‍රී ලාංකිකයෙක්. (දේශපාලන රැකවරණ මත නොවේ) සව්දි අරාබියාවේ රියාද් නගරයේ නාවික කටයුතු කලමණාකරනය කරන ආයතනයක (Shipping & Logistics) විධායක ශ්‍රේණියේ රැකියාවක් කරමින් තමයි ඉන්නේ.

මගේ මව් භාෂාව ද්‍රවිඩ උනත් ඉගෙන ගත්තේ සිංහල මාධ්‍යයෙන්. මගේ පාසල තමයි කොළඹ මරදාන සහිරා විදුහල. හොඳින් සිංහල ලියන්න කියවන්න පුලුවන් නිසයි සිංහලයෙන් බ්ලොග් අඩවියක් ලියන්න ගත්තේ. වේලාව ලැබෙන විදියට මොන මොනවා හරි ලියන්නම් හොදේ..

මා ගැන වැඩිදුර තොරතුරු දැන ගන්න කැමතිනම්,
පිවිසෙන්න http://www.mhassan.co.nr

මේ ඉන්නේ මම ..... :)